ଫୁଲବାଣୀ: କନ୍ଧମାଳ ଜିଲ୍ଲା ଫୁଲବାଣୀ ବ୍ଲକ ଦଡ଼କି ନିକଟ ପୁତୁଡ଼ି ରାସ୍ତା ଛକ ପାଖରେ ଇଟା ବୋଝେଇ ଟ୍ରାକ୍ଟର ଭାରସାମ୍ୟ ହରାଇ ଓଲଟି ପଡିବାରୁ ଜଣକର ମୃତ୍ୟୁ ଘଟିଥିବା ବେଳେ ତିନି ଜଣ ଗୁରୁତର ଆହତ ହୋଇଛନ୍ତି।
ଦୋବଗଡ଼ଠାରୁ ଟ୍ରାକ୍ଟରରେ ଇଟା ବୋଝେଇ କରି ଫୁଲବାଣୀ ଆଡକୁ ଆସୁଥିବା ବେଳେ ଏହି ଦୁର୍ଘଟଣା ଘଟିଥିଲା। ଘଟଣା ସ୍ଥଳରୁ ଟ୍ରାକ୍ଟର ଡ୍ରାଇଭର ସହ ଅନ୍ୟ ତିନି ଜଣଙ୍କୁ ଗୁରୁତର ଅବସ୍ଥାରେ ଫୁଲବାଣୀ ମେଡିକାଲକୁ ସ୍ଥାନାନ୍ତର କରାଯାଇଥିଲା। ଫୁଲବାଣୀ ମେଡିକାଲରୁ ଅଲାମୀ ପଞ୍ଚାୟତ ସରୁପଡା ଗାଁର ମନୋଜ କହଁରଙ୍କୁ ଗୁରୁତର ଅବସ୍ଥାରେ ବ୍ରହ୍ମପୁର ସ୍ଥାନାନ୍ତର କରାଯାଉଥିବା ବେଳେ ଫୁଲବାଣୀରେ ହିଁ ତାଙ୍କର ମୃତ୍ୟୁ ଘଟିଥିଲା। ଅନ୍ୟ ୩ ଗୁରୁତରଙ୍କ ମଧ୍ୟରେ ମାଜାଗାଣ୍ଡା ଗାଁର ଟ୍ରାକ୍ଟର ଡ୍ରାଇଭର ହରିଶଙ୍କର ମଲିକ, କମଳ ଲୋଚନ ମଲିକ ଓ ସରୁପଡ଼ା ଗାଁର ଶୁଭମ କହଁର ବୋଲି ଜଣାପଡ଼ିଛି। ଗୁରୁତର ତିନି ଜଣକୁ ଫୁଲବାଣୀ ମେଡିକାଲରେ ଚିକିତ୍ସା କରାଯାଉଛି। ପୁଲିସ ଏସଆଇ ସମ୍ବିତ ବେହେରା ମୃତଦେହ ଜବତ କରି ଘଟଣାର ତଦନ୍ତ କରୁଥିବା ଜଣାପଡ଼ିଛି।
