ସମାଜଲାଇଭ ଡେସ୍କ: ରାଉରକେଲା-ରାଞ୍ଚି ମୁଖ୍ୟ ରେଳପଥରେ ବୁଧବାର ବଡ଼ ଧରଣର ଦୁର୍ଘଟଣା ଘଟିଛି। ଏହି ରେଳପଥର ବାନୋ ଏବଂ କନରାଓ୍ବା ଷ୍ଟେସନ ମଧ୍ୟରେ ପୂର୍ବାହ୍ନ ପ୍ରାୟ ୧୦ଟାରେ ଏକ ମାଲବାହୀ ଟ୍ରେନ ଲାଇନଚ୍ୟୁତ ହେବା ଫଳରେ ଟ୍ରେନ ଚଳାଚଳ ବାଧାପ୍ରାପ୍ତ ହୋଇଛି। ଦୁର୍ଘଟଣାରେ ପ୍ରାୟ ୧୦ଟି ବଗି ଲାଇନଚ୍ୟୁତ ହେବା ସହିତ କ୍ଷତିଗ୍ରସ୍ତ ହୋଇଥିବା ସୂଚନା ମିଳିଛି। ଏଥିରେ କେହି ମୃତାହତ ହୋଇନାହାନ୍ତି। ରେଲଓ୍ବେ ପକ୍ଷରୁ ଘଟଣାସ୍ଥଳରେ ଉଦ୍ଧାରକାର୍ଯ୍ୟ ଜାରି ରହିଥିବାବେଳେ ଲାଇନ କ୍ଲିୟର ପାଇଁ ଜୋରଦାର ପଦକ୍ଷେପ ନିଆଯାଉଛି।
ଦୁର୍ଘଟଣା ଯାଗୁ ଉକ୍ତ ରେଳପଥରେ ଟ୍ରେନ ଚଳାଚଳ ସମ୍ପୂର୍ଣ୍ଣ ରୂପେ ବାଧାପ୍ରାପ୍ତ ହୋଇଛି। ଗୋରଖପୁରରୁ ସମ୍ବଲପୁର ଯାଉଥିବା ଏକ ଟ୍ରେନ କନରାଓ୍ବା ଷ୍ଟେସନ ନିକଟରେ ଅଟକି ରହିଛି।
