ମୁମ୍ୱାଇ ୨୧/୧୦: ସାରା ଦେଶରେ ଆଲୋକର ପର୍ବ ଦୀପାବଳି ବେଶ୍ ଧୁମ୍ଧାମ୍ରେ ପାଳନ ହୋଇଛି । ସୋସିଆଲ ମିଡିଆରେ ଅନେକ ଶୁଭକାମନା ବାର୍ତ୍ତା ବି ସେୟାର କରିଛନ୍ତି । ଏଥିରୁ ବାଦ୍ ପଡିନଥିଲେ ଚଳଚ୍ଚିତ୍ର ନିର୍ଦ୍ଦେଶକ ରାମ ଗୋପାଳ ବର୍ମା । ସେ ବି ଦେଶବାସୀଙ୍କୁ ଦୀପାବଳି ବାର୍ତ୍ତା ସେୟାର କରିଥିଲେ । ଯାହା ଏବେ ସୋସିଆଲ ମିଡିଆରେ ଭାଇରାଲ୍ ହେବାରେ ଲାଗିଛି ।
ଦୀପାବଳି ପୋଷ୍ଟରେ ରାମ ଗୋପାଳ ବର୍ମା ଭାରତରେ ଦୀପାବଳି ପାଳନକୁ ଗାଜା ସହିତ ତୁଳନା କରିଛନ୍ତି । ତେବେ ଏହି ପୋଷ୍ଟ ପରେ ତାଙ୍କୁ ସୋସିଆଲ ମିଡିଆରେ କଠୋର ସମାଲୋଚନାର ସମ୍ମୁଖୀନ ହେବାକୁ ପଡୁଛି।
- Advertisement -
ଦୀପାବଳି ରାତିରେ ପ୍ରାୟ ୮ଟା ସମୟରେ, ନିର୍ଦ୍ଦେଶକ ରାମ ଗୋପାଳ ବର୍ମା ଇନଷ୍ଟାଗ୍ରାମରେ ଲେଖିଲେ, “ଭାରତରେ ଦୀପାବଳି କେବଳ ଗୋଟିଏ ଦିନ, କିନ୍ତୁ ଗାଜାରେ, ପ୍ରତିଦିନ ଦୀପାବଳି ।” ସେ ପୋଷ୍ଟ ସହିତ ଏକ ଅଗ୍ନି ଇମୋଜି ମଧ୍ୟ ଦେଇଥିଲେ । ଏହି ପୋଷ୍ଟଟି ଶୀଘ୍ର ଭାଇରାଲ ହୋଇଗଲା।
