ଡ଼େସ୍କ: ଆଫଗାନିସ୍ତାନର ପାକଟିକା ପ୍ରଦେଶ ଉପରେ ପାକିସ୍ତାନ ସେନା ଶୁକ୍ରବାର ରାତିରେ ବିମାନ ଆକ୍ରମଣ କରିଛି। ପାକିସ୍ତାନ ବିମାନ ଆକ୍ରମଣ କରିବା ନେଇ ତାଲିବାନ ସରକାର ପକ୍ଷରୁ ଅଭିଯୋଗ କରାଯାଇଛି। ତାଲିବାନ ପ୍ରଶାସନର ଜଣେ ବରିଷ୍ଠ ଅଧିକାରୀ କହିଛନ୍ତି ଯେ ଦୁଇ ପକ୍ଷ ମଧ୍ୟରେ ହୋଇଥିବା ୪୮ ଘଣ୍ଟିଆ ଅସ୍ତ୍ରବିରତି ସମୟ ଶୁକ୍ରବାର ସନ୍ଧ୍ୟାରେ ଶେଷ ହେବା ପରେ ପାକିସ୍ତାନ ଏହି ଆକ୍ରମଣ କରିଛି। ବୁଧବାର ସକାଳେ ପାକିସ୍ତାନ ଓ ଆଫଗାନିସ୍ତାନ ସେନା ମଧ୍ୟରେ ସଂଘର୍ଷ ହୋଇଥିଲା। ସଂଘର୍ଷରେ ଉଭୟ ପକ୍ଷର ଶତାଧିକ ସୈନ୍ୟ ଓ ସାଧାରଣ ନାଗରିକ ପ୍ରାଣ ହରାଇଥିଲେ। ଏହି ସଂଘର୍ଷ ପରେ ବୁଧବାର ସନ୍ଧ୍ୟା ୬ଟା ଠାରୁ ଉଭୟ ପକ୍ଷ ମଧ୍ୟରେ ୪୮ ଘଣ୍ଟିଆ ଅସ୍ଥାୟୀ ଅସ୍ତ୍ରବିରତି ହୋଇଥିଲା। ଶୁକ୍ରବାର ଅସ୍ତ୍ରବିରତି ଅବଧି ଶେଷ ହେବା ପରେ ସ୍ଥାୟୀ ଅସ୍ତ୍ରବିରତି ନିମନ୍ତେ ପାକିସ୍ତାନର ପ୍ରତିନିଧି ଦଳ ଦୋହାରେ ପହଞ୍ଚିଛନ୍ତି। ପାକିସ୍ତାନ ଅସ୍ତ୍ରବିରତି ନିମନ୍ତେ ଗୋଟିଏ ପଟେ ପ୍ରୟାସ କରୁଥିବାବେଳେ ଅନ୍ୟପଟେ ଆକ୍ରମଣ ଆରମ୍ଭ କରିଛି।
Popular Categories
Previous article
Next article