ନୂଆଦିଲ୍ଲୀ: ଆମେରିକାର ଅରଙ୍କସାସରୁ ଜଣେ ଭାରତୀୟ ବଂଶୋଦ୍ଭବଙ୍କୁ ଗିରଫ କରିଛି ପୁଲିସ। ତାଙ୍କ ନାଁ କପିଲ ବୋଲି ଜଣାପଡିଛି। କପିଲଙ୍କ ବିରୋଧରେ ଅଫିମ ବିକ୍ରି କରୁଥିବା ଅଭିଯୋଗ ଲାଗିଛି। ତାଙ୍କ ଭିସା ରଦ୍ଦ କରାଯାଇଛି। ଘଟଣାଟି ମଇ ମାସର। ପୁଲିସ ଟ୍ରାଫିକ୍ ଚେକିଂ ସମୟରେ କପିଲଙ୍କ ଗାଡିରୁ ଏକ ଛୋଟ ବୋତଲ ଜବତ କରିଥିଲା। ଅଫିମ ବିକ୍ରି କରୁଥିବା ଅଭିଯୋଗରେ ପୁଲିସ ତାଙ୍କୁ ଗିରଫ କରିଥିଲା।
ଅରଙ୍କସାସ ରାଜ୍ୟ ଅପରାଧ ପ୍ରଯୋଗଶାଳା ପରେ ସୂଚନା ଦେଇଛି କି ବୋତଲରେ ଅଫିମ ନୁହେଁ, ବରଂ ପରଫ୍ୟୁମ ଥିଲା। ଏହା ସତ୍ତ୍ବେ କପିଲଙ୍କୁ ୩ ଦିନ ଜେଲରେ ବିତାଇବାକୁ ପଡିଥିଲା। ଭିସା ସମାପ୍ତ ନେଇ କପିଲଙ୍କ ଓକଲି ପ୍ରଶାସନିକ ଭୁଲ୍ ବୋଲି ଦର୍ଶାଇଥିଲେ। ଗିରଫ ପରେ କପିଲଙ୍କୁ ଲୁଇସିୟାନାର ଏକ ସଂଘୀୟ ଇମିଗ୍ରେସନ ସେଣ୍ଟର ପଠାଯାଇଥିଲା ଯେଉଁଠାରେ ତାଙ୍କୁ ୩୦ ଦିନ ପର୍ଯ୍ୟନ୍ତ ହେପାଜତରେ ରଖାଗଲା। ୨୦ ମଇରେ ମାଦକ ପଦାର୍ଥ ଅଭିଯୋଗ ହଟାଇ ଦିଆଗଲା କିନ୍ତୁ ହେପାଜତ ସମୟରେ ତାଙ୍କ ଭିସା ରଦ୍ଦ କରିଦିଆଗଲା।
କପିଲଙ୍କ ଓକିଲଙ୍କ ଅନୁସାରେ ଏବେ ତାଙ୍କୁ ନିର୍ବାସନ ଯୋଗ୍ୟ ଘୋଷିତ କରାଯାଇଛି । ଏହା ଫଳରେ କୌଣସି ସାଧାରଣ ନିୟମ ଉଲ୍ଲଙ୍ଘନ ବା ଛୋଟ ଅପରାଧ ପାଇଁ ତାଙ୍କୁ ଦେଶ ଛାଡିବାକୁ ବାଧ୍ୟ କରାଯାଇପାରେ। ଏହା ଫଳରେ ତାଙ୍କ ଚାକିରି ଉପରେ ପ୍ରଭାବ ମଧ୍ୟ ପଡିପାରେ। ତାଙ୍କ ପରିବାର ଲୋକଙ୍କ କହିବାନୁସାରେ କୋର୍ଟ ଖର୍ଚ୍ଚ ପାଇଁ ସେମାନେ ଆର୍ଥକ ସମସ୍ୟା ଭୋଗୁଛନ୍ତି। ପରିବାରର ସମସ୍ତ ସଞ୍ଚୟ ସମାପ୍ତ ହେବାକୁ ବସିଛି। ତାଙ୍କ ପୁଅ ଭଲରେ ଫେରିଆସୁ ବୋଲି ସେମାନେ କାମନା କରିଛନ୍ତି।
