ଭୁବନେଶ୍ବର, ୨୫ା୯: ସାଓମି ରିୟର ଡିସପ୍ଲେ ବିଶିଷ୍ଟ ୨ଟି ସ୍ମାର୍ଟଫୋନ୍ ସାଓମି ୧୭ ପ୍ରୋ ଓ ୧୭ ପ୍ରୋ ମ୍ୟାକ୍ସ ଲଞ୍ଚ୍ କରିଦେଇଛି। ଉଭୟ ପ୍ୟାନେଲର ରିୟରରେ ଏକ ଛୋଟ ସ୍କ୍ରିନ୍ ରହିଛି ଯାହାକୁ ଭିନ୍ନ ଭିନ୍ନ କାମ ପାଇଁ ବ୍ୟବହାର କରିପାରିବେ ଗ୍ରାହକ। ଉଭୟ ମଡେଲରେ କ୍ବାଲକମର ଅତ୍ୟାଧୁନିକ ତଥା ସବୁଠାରୁ ସ୍ପିଡ୍ ସ୍ନାପଡ୍ରାଗନ୍ ୮ ଇଲାଇଟ୍ ଜେନ୍ ୫ ପ୍ରୋସେସର ମିଳିବ। ଏହି ଫୋନ୍ ଆଣ୍ଡ୍ରଏଡ୍ ୧୬ ଆଧାରିତ ହାଇପର ଓଏସ୍ ୩ ସହିତ ଆସିଥାଏ। ସାଓମି ୧୭ ପ୍ରୋ ମ୍ୟାକ୍ସର ପ୍ରାରମ୍ଭିକ ଦାମ୍ ୭୪,୭୦୦ ଟଙ୍କା ରହିଛି। ଏଥିରେ ୧୨ ଜିବି ଓ ୫୧୨ ଜିବି ଷ୍ଟୋରେଜ୍ ମିଳିବ। ୧୬ ଜିବି ଓ ୧ ଟିବି ଭାରିଆଣ୍ଟର ଦାମ୍ ୮୭,୨୦୦ ଟଙ୍କା ରହିଛି। ସେହିଭଳି ୧୭ ପ୍ରୋ ମ୍ୟାକ୍ସର ପ୍ରାରମ୍ଭିକ ଦାମ୍ ୬୨,୩୦୦ ଟଙ୍କା ଥିବାବେଳେ ୧୬ ଏବଂ ୧ ଟିବି ଭାରିଆଣ୍ଟର ଦାମ୍ ୭୪,୭୦୦ ଟଙ୍କା ରହିଛି। ପ୍ରୋ ମଡେଲ ବ୍ଲାକ, କୋଲ୍ଡ ସ୍ମୋକ୍ ପର୍ପଲ, ଫରେଷ୍ଟ ଗ୍ରୀନ୍ ଓ ଧଳା ରଙ୍ଗରେ ଆସିଥାଏ।
ସାଓମି ୧୭ ପ୍ରୋ ମ୍ୟାକ୍ସରେ ୬.୯ ଇଞ୍ଚର ମେନ୍ ଡିସପ୍ଲେ ଓ ପ୍ରୋ ମଡେଲରେ ୬.୩ ଇଞ୍ଚର ମେନ୍ ଡିସପ୍ଲେ ରହିଛି। ଏହା ୨କେ ରିଜୋଲ୍ୟୁସନ ସହିତ ସାଓମି ଡ୍ରାଗନ୍ କ୍ରିଷ୍ଟଲ ଗ୍ଲାସ୍ ପ୍ରୋଟେକ୍ସନ ସହିତ ଆସିଥାଏ। ରିୟରରେ ୩୫୦୦ ନିଟ୍ସ ବ୍ରାଇଟନେସ୍ ସହିତ ସେକେଣ୍ଡାରୀ ଏମ୧୦ ଡିସପ୍ଲେ ମଧ୍ୟ ରହିଛି ଯାହାକୁ ଆଲାର୍ମ , ଏଆଇ ପ୍ରୋଟ୍ରେଟ୍ ଆଦି କାମ ପାଇଁ ବ୍ୟବହାର କରିହେବ। ୧୭ ପ୍ରୋରେ ୬୩୦୦ ଏମଏଏଚ୍ ବ୍ୟାଟେରୀ ଥିବାବେଳେ ପ୍ରୋ ମ୍ୟାକ୍ସ ଭାରିଆଣ୍ଟରେ ୭୫୦୦ ଏମଏଏଚ୍ ବ୍ୟାଟେରୀ ରହିଛି। ଉଭୟ ଫୋନ୍ ୧୦୦ ୱାଟ୍ ଫାଷ୍ଟ ଚାର୍ଜିଂ ଏବଂ ୫୦ ୱାଟ୍ େୱୟାରଲେସ୍ ଚାର୍ଜିଂକୁ ସପୋର୍ଟ କରିବ। ଫୋନରେ ଇନ-ଡିସପ୍ଲେ ଫିଙ୍ଗରପ୍ରିଣ୍ଟ ସେନ୍ସର ରହିଛି। ଏହା ୫ଜି, ବ୍ଲୁଟୁଥ୍, ୱାଇ-ଫାଇ, ଜିପିଏସ୍, ଏନଏଫସି ଓ ୟୁଏସବି ଟାଇପ୍-ସି ପୋର୍ଟ ଭଳି କନେକ୍ଟିଭିଟି ବିକଳ୍ପ ସହିତ ଆସିଥାଏ।
