ନୂଆଦିଲ୍ଲୀ : ଭିଭୋ ୱାଇ୩୧ ସିରିଜ୍ ଭାରତରେ ଲଞ୍ଚ ହୋଇ ସାରିଛି। ଏହା କମ୍ପାନୀର ୱାଇ-ସିରିଜରେ ଲାଟେଷ୍ଟ ଏଡିସନ୍ । ଏହାକୁ କମ୍ପାନୀ ଏହି ସପ୍ତାହରେ ଲଞ୍ଚ କରିଛି । ଏହି ସିରିଜ୍ରେ ୨ଟି ସ୍ମାର୍ଟଫୋନ୍ ଭିଭୋ ୱାଇ୩୧ ୫ଜି ଓ ଭିଭୋ ୱାଇ ୩୧ ପ୍ରୋ ୫ଜି ଲଞ୍ଚ ହୋଇଛି । ଯାହା ଦମ୍ଦାର୍ ଫିଚର ସହ ଆସିଥାଏ । ଉଭୟ ଫୋନ୍ ମଧ୍ୟମ ଧରଣର ଦାମ୍ ସହ ଗ୍ରାହକଙ୍କ ବଜେଟ୍କୁ ସୁହାଇବା ଭଳି ।
କମ୍ପାନୀ ନନ୍-ପ୍ରୋ ମଡେଲରେ ଡୁଆନ୍ ରିୟର କ୍ୟାମେରା ସେଟ୍ଅପ୍ ଦେଇଛି । ଯାହା ଏଲଇଡି ଫ୍ଲାସ୍ ସହ ଆସିଥାଏ। ସେହପିରି ପ୍ରୋ ଭାରିଆଣ୍ଟରେ କମ୍ପାନୀ ଡୁଆନ୍ ରିୟର କ୍ୟାମେରା ସେଟ୍ଅପ୍ ଦେଇଛି । ୨ଟି ଯାକ ଫୋନ୍କୁ ୨ଟି ରଙ୍ଗରେ ଉପଲବ୍ଧ ହେବ । ଜାଣନ୍ତୁ ଏହାର ଦାମ୍ ଓ ଖାସ୍ ଫିଚର ବିଷୟରେ..
ଭିଭୋ ୱାଇ୩୧ ୫ଜିକୁ କମ୍ପାନୀ ୧୪,୯୯୯ ଟଙ୍କାରେ ଲଞ୍ଚ କରିଛି । ଏଥିରେ ୪ଜିବି ର୍ୟାମ୍+ ୧୨୮ଜିବି ଷ୍ଟୋରେଜ ଭାରିଆଣ୍ଟ ରହିଛି । ଫୋନ୍ର ୬ଜିିବି ର୍ୟାମ୍+୧୨୮ଜିବି ଷ୍ଟୋରେଜ ଭାରିଆଣ୍ଟ ୧୬,୪୯୯ ଟଙ୍କାରେ ଆସିଥାଏ । ସ୍ମାର୍ଟଫୋନ୍ ରୋଜ୍ ରେଡ୍ ଓ ଡାଏମଣ୍ଡ ଗ୍ରୀନ୍ ରଙ୍ଗରେ ମିଳିବ ।
ସେହିପରି ଭିଭୋ ୱାଇ୩୧ ପ୍ରୋ ୫ଜିକୁ କମ୍ପାନୀ ୧୮,୯୯୯ ଟଙ୍କାରେ ଲଞ୍ଚ କରିଛି । ଏଥିରେ ୮ଜିବି ର୍ୟାମ୍+ ୧୨୮ଜିବି ଷ୍ଟୋରେଜ୍ ଭାରିଆଣ୍ଟ ରହିଛି । ସେହିପରି ୨୫୬ଜିବି ଷ୍ଟୋରେଜ ଭାରିଆଣ୍ଟ ଦାମ୍ ୨୦,୯୯୯ ଟଙ୍କା । ଏହି ଫୋନ୍ ମାଚା ବ୍ରାଉନ ଓ ଡ୍ରିମି ହ୍ୱାଇଟ୍ ରଙ୍ଗରେ ଉପଲବ୍ଧ। ଉଭୟ ଫୋନ୍କୁ ଫ୍ଲିପକାର୍ଟରୁ ମଧ୍ୟ କିଣି ପାରିବେ ।
ଭିଭୋ ୱାଇ୩୧ ୫ଜି ଡୁଆଲ୍ ସମ୍ ସପୋର୍ଟରେ ମିଳିଥାଏ । ସ୍ମାର୍ଟଫୋନ୍ଟି ଆଣ୍ଡରଏଡ୍ ୧୫ ଉପରେ ଆଧାରିତ । ଏଥିରେ ୬.୬୮-ଇଞ୍ଚର ଏଲସିଡି ଡିସ୍ପ୍ଲେ ମିଳିଥାଏ । ଯାହା ୧୨୦ ଏଚଜେଡ୍ ରିଫ୍ରେସ୍ ରେଟ୍ ସପୋର୍ଟ ସହ ଆସିଥାଏ । ଏହି ଫୋନ୍ Snapdragon 4Gen 2 ପ୍ରୋସେରରେ କାମ କରିଥାଏ ।
ଫୋନ୍ରେ ୫୦ ଏମପି+୦.୦୮ଏମପିର ଡୁଆଲ କ୍ୟାମେରା ସେଟ୍ଅପ୍ ମିଳିଥାଏ । ସେହିପରି ସାମ୍ନାରେ ୮ଏମପିର ସେଲଫି କ୍ୟାମେରା ମଧ୍ୟ ଦିଆଯାଉଛି । ସ୍ମାର୍ଟଫୋନ୍ରେ ୬୫୦୦ ଏମଏଏଚର ବ୍ୟାଟେରୀ ଓ ୪୪ ୱାଟ୍ର ଚାର୍ଜିଂ ସପୋର୍ଟ କରିଥାଏ । ପ୍ରୋ ଭାରିଆଣ୍ଟରେ ୬.୭୨-ଇଞ୍ଚର ଏଲସିଡି ଡିସପ୍ଲେ ମିଳିଥାଏ । ଯାହା ୧୨୦ ଏଚଜେଡ୍ ରିଫ୍ରେସ୍ ରେଟ୍ ସପୋର୍ଟ କରିଥାଏ । ସ୍ମାର୍ଟଫୋନ୍ Media Tek Dimensity 7300 ପ୍ରୋସେସର ସହ ଆସିଥାଏ । ଏଥିରେ ଡୁଆନ ରିୟର ଓ ୮ଏମପିର ସାମ୍ନା କ୍ୟାମେରା ମିଳିଥାଏ ।
