ନୂଆଦିଲ୍ଲୀ : ପାକିସ୍ତାନୀ ସେନା ପକ୍ଷରୁ ନିୟନ୍ତ୍ରଣ ରେଖା ଆରପଟୁ ଗୁଳିଗୋଳା ବିନିମୟ ଜାରି ରହିବା ସହିତ ସୀମାରେ ଉତ୍ତେଜନା ଲାଗି ରହିଥିବା ବେଳେ ଅର୍ଥମନ୍ତ୍ରୀ ଅରୁଣ ଜେଟଲୀ କହିଛନ୍ତି, ଯଦି ଆମେରିକା ପାକିସ୍ତାନର ଆବୋଟାବାଦରେ ଓସାମା ବିନ ଲାଡେନକୁ ମାରିପାରେ ତେବେ ଆଜିର ଦିନରେ ଭାରତ ପକ୍ଷରେ ମଧ୍ୟ ସବୁକିଛି ସମ୍ଭବ । ପାକିସ୍ତାନୀ ଜେଟ୍ ନିୟନ୍ତ୍ରଣ ରେଖା ଅତିକ୍ରମ କରିବା ଏବଂ ଜାମ୍ମୁ କାଶ୍ମୀରର ରାଜୌରୀ ସେକ୍ଟରରେ ଥିବା ସେନା ଘାଟି ନିକଟରେ ବୋମା ମାଡ କରିବା ପରେ ଶ୍ରୀ ଜେଟଲୀ ଏହା କହିଛନ୍ତି।
୨୦୧୧ ମେ ୨ ତାରିଖରେ ଆଲକାଏଦା ମୁଖ୍ୟ ଓସାମା ବିନ୍ ଲାଡେନକୁ ଧରିବା ପାଇଁ ପାକିସ୍ତାନର ଆବୋଟାବାଦରେ ଆମେରିକା ନ୍ୟାଭି ସିଲ କମାଣ୍ଡୋ ଅପରେସନ ଚଳାଇଥିଲେ। ମାତ୍ର କେଇ ଘଣ୍ଟାର ଅପରେସନରେ ଆମେରିକା ଲାଡେନକୁ ଧରିବା ସହ ଜୀବନରୁ ମାରି ଦେଇଥିଲା। ଶ୍ରୀ ଜେଟଲୀ କହିଛନ୍ତି, ଆମେ ମଧ୍ୟ ଏହା ଭାବିବା ଦରକାର ଯେ ଆମେ ଏହା କରିପାରିବୁ ?
ବୁଧବାର ପାକିସ୍ତାନର ଯୁଦ୍ଧ ବିମାନ ଭାରତୀୟ ସୀମାକୁ ଅନୁପ୍ରବେଶ କରିବା ପାଇଁ ଉଦ୍ୟମ କରୁଥିବା ବେଳେ ଏହାକୁ ପ୍ରତିରୋଧ କରିବାକୁ ଯାଇ ଭାରତର ଗୋଟିଏ ମିଗ୍ ବିମାନ ଦୁର୍ଘଟଣାଗ୍ରସ୍ତ ହୋଇଛି । ଏହାର ପାଇଲଟ ନିଖୋଜ ଅଛନ୍ତି । ପାକିସ୍ତାନ ତାଙ୍କୁ ଧରି ଅଟକ ରଖିଥିବା କଥା ଦାବି କରିବା ପରିପ୍ରେକ୍ଷୀରେ ଶ୍ରୀ ଜେଟଲୀ ଏହା କହିଛନ୍ତି ।
ଆମେରିକାର ଆବୋଟାବାଦ ଅପରେସନ ଭଳି କାର୍ଯ୍ୟ ଆମେ ମଧ୍ୟ କରିପାରିବୁ : ଜେଟଲୀ
Popular Categories
Previous article
Next article