ଦ୍ୱାରସୁଣି : କୁଳିଅଣା ଥାନା ଅନ୍ତର୍ଗତ ୧୮ ନମ୍ବର ଜାତୀୟ ରାଜପଥ କୁଚେଇ ନିକଟରେ ଏକ ୧୦୮ ଆମ୍ବୁଲାନ୍ସ ଦୁର୍ଘଟଣା ଗ୍ରସ୍ତ ହୋଇଛି। ବୁଧବାର ସକାଳେ ଆମ୍ବୁଲାନ୍ସଟି ଝାରପୋଖରୀଆରୁ ବାରିପଦା ବଡ଼ ମେଡିକାଲକୁ ଜଣେ ରୋଗୀଙ୍କୁ ନେଇ ଯାଇଥିଲା। ରୋଗୀଙ୍କୁ ମେଡିକାଲରେ ଛାଡି ଫେରୁଥିବା ବେଳେ ରାସ୍ତାରେ ଏକ ଟ୍ରକ ପଳାଇ ଆସିଲା। ଆମ୍ବୁଲାନ୍ସଟି ଭାରସାମ୍ୟ ହରାଇ ରାସ୍ତା ଉପରେ ଓଲଟି ପଡିଥିଲା। ଫଳରେ ସେଥିରେ ଥିବା ୩ଜଣ କର୍ମଚାରୀ ଆହତ ହୋଇଥିଲେ। ଆହତମାନଙ୍କୁ ପ୍ରାଥମିକ ଚିକିତ୍ସା ପରେ ଛାଡି ଦିଆଯାଇଛି।
