ଖୁଣ୍ଟା : ମୟୁରଭଞ୍ଜ ଜିଲା ଖୁଣ୍ଟା ବ୍ଲକ କହ୍ନେଇଁବନ୍ଧ-କୁଶଳଦା ରାସ୍ତାର ଦୁଲାସାହି ନିକଟରେ ଏକ ବାଇକ ଭାରସାମ୍ୟ ହରାଇ ଦୁର୍ଘଟଣା ଗ୍ରସ୍ତ ହେବାଦ୍ପାରା ଜଣେ ଯୁବକ ଗୁରୁତର ହୋଇଥିବା ଜଣାପଡିଛି। ଯୁବକ ଜଣଙ୍କ ବାଇଗଣବାଡିଆ ଗ୍ରାମର ଥଳ ମୁର୍ମୁଙ୍କ ପୁଅ ଆଲଖୁ(୨୧)।
ସୂଚନା ମୁତାବକ, ସିମିଳା ବନ୍ଧ ଗ୍ରାମର ବନ୍ଧୁଙ୍କ ଘରୁ ଆଲଖୁ ସମେତ ତିନି ଜଣ ବାଇକରେ ବାଇଗଣବାଡିଆ ଫେରୁଥିବା ବେଳେ ସନ୍ଧ୍ୟା ୫ଟାରେ କହ୍ନେଇଁବନ୍ଧ ପହଞ୍ଚିବା ପୂର୍ବରୁ ଦୁଲାସାହି ନିକଟରେ ଉକ୍ତ ଦୁର୍ଘଟଣା ଘଟିଥିଲା। ବାଇକଟି ଭାରସାମ୍ୟ ହରାଇ ରାସ୍ତା ପାର୍ଶ୍ୱରେ ଥିବା ଏକ ଫଳକକୁ ଧକ୍କା ଦେଇଥିଲା ବେଳେ ଆଲଖୁର ବାମ ହାତ ଭାଙ୍ଗି ଯାଇଥିଲା। ଖୁଣ୍ଟା ଦମକଳ ବାହିନୀ ଆଲଖୁ ଓ ଅନ୍ୟ ଜଣେ ଆହତଙ୍କୁ ଉଦ୍ଧାର କରି ଖୁଣ୍ଟା ଡାକ୍ତରଖାନାରେ ଭର୍ତ୍ତି କରିଥିଲେ। ପ୍ରାଥମିକ ଚିକିତ୍ସା ପରେ ଆଲଖୁକୁ ବାରିପଦା ପିଆରଏମ ସ୍ବାସ୍ଥ୍ୟକେନ୍ଦ୍ରକୁ ପଠାଇ ଦିଆଯାଇଛି।
