ମୁମ୍ବଇ : ଅନେକ ପ୍ରସିଦ୍ଧ କଳାକାରଙ୍କ ଅଭିନୀତ ହାସ୍ୟରସାତ୍ମକ ଭିତ୍ତିକ ଚଳଚ୍ଚିତ୍ର ‘ଟୋଟାଲ ଧମାଲ୍’ ଶୁକ୍ରବାର(୨୨ ଫେବୃଆରୀ) ମୁକ୍ତିଲାଭ କରିଛି। ଇନ୍ଦ୍ର କୁମାର ଏହାର ନିର୍ଦ୍ଦେଶନା ଭାର ବହନ କରିଥିବା ବେଳେ ମାଧୁରୀ ଦୀକ୍ଷିତ୍, ଅନିଲ କପୁର, ଅଜୟ ଦେବଗନ୍, ଜାଭେଦ୍ ଜାଫରୀ, ଅରଶଦ ୱାରସୀ, ରିତେଶ ଦେଶମୁଖ ଓ ଜନୀ ଲିଭର୍ ପ୍ରମୁଖ କଳାକାର ଏଥିରେ ଅଭିନୟ କରିଛନ୍ତି। ଏହା ‘ଧମାଲ’ ସିରିଜର ତୃତୀୟ ଚଳଚ୍ଚିତ୍ର।
ଚଳଚ୍ଚିତ୍ରକୁ ନେଇ ଚର୍ଚ୍ଚା ଜୋର ଧରିଥିବା ବେଳେ ମୁକ୍ତିଲାଭର ପ୍ରଥମ ଦିନରେ ଏହା ପ୍ରାୟ ୧୫ କୋଟି ଟଙ୍କାର ବ୍ୟବସାୟ କରିପାରେ ବୋଲି ଆଶା କରାଯାଉଛି। ଚଳଚ୍ଚିତ୍ରର ବଜେଟ୍ ପ୍ରାୟ ୧୦୦ କୋଟି ବୋଲି କୁହାଯାଉଛି। ଏଥିରେ ପ୍ରଥମ ଥର ପାଇଁ ଅଜୟ ଦେବଗନ୍ ଓ ଅନିଲ କପୁରଙ୍କୁ ଏକାଠି ଦେଖିବାକୁ ମିଳିଛି। ସାମାଜିକ ଗଣମାଧ୍ୟମରେ ‘ଟୋଟାଲ ଧମାଲ୍’ କୁ ଦର୍ଶକଙ୍କ ଭଲ ପ୍ରତିକ୍ରିୟା ମିଳୁଥିବା ଦେଖିବାକୁ ମିଳିଛି।
