କଲମପୁର : ଗତ ସୋମବାର ଠାରୁ ଦୀର୍ଘ ୪ ଦିନ ଧରି ଲାଗି ରହିଛି ଲଗାଣ ବର୍ଷା। ଏହି ଲଗାଣ ବର୍ଷା ଯୋଗୁଁ ଗୁରୁବାର ଭୋରରୁ କଲମପୁର ଠାରୁ ଥୁଆମୁଳ ରାମପୁରକୁ ସଂଯୋଗ କରୁଥିବା ମୁଖ୍ୟ ରାସ୍ତାର ଗୁମାବାହାଲ ନିକଟରେ ଏକ ବିରାଟକାୟ ଆମ୍ବ ଗଛ ଉପୁଡିଯାଇ ରାସ୍ତା ଉପରେ ପଡିଯାଇଛି। ଗଛ ପଡି ରାସ୍ତା ଅବରୋଧ ହେବା ଯୋଗୁଁ ଏହି ରାସ୍ତା ଦେଇ ଯାତାୟତ ବାଧାପ୍ରାପ୍ତ ହେଇଥିଲା। କଲମପୁର ବଲାଙ୍ଗିର, ମୁଖିଗୁଡା, ଭବାନୀପାଟଣା ଭାୟା କଲମପୁର, ଚୁରାଗାଁ ଭାବାନୀପାଟଣା ଭାୟା କଲମପୁର, ଭୁବନେଶ୍ୱର ମୁଖିଗୁଡା ଭାୟା କଲମପୁର, କଲମପୁର ବନ୍ଧକନା, ବିଜମରା ଆଦି ଅଂଚଳକୁ ଯାତାୟତ କରୁଥିବା ଯାତ୍ରୀ ବାହୀ ବସ୍ ଚଳାଚଳ ପ୍ରଭାବିତ ହେଇଛି। ଦୀର୍ଘ ସମୟ ଧରି ଯାତ୍ରୀମାନେ ଘଟଣାସ୍ଥଳରେ ଅଟକି ଯାଇ ହଇରାଣ ହରକତ ହେଇଛନ୍ତି। ଏହାସହ ବନ୍ଧକନା, ହାରାମାଲ, ପରୁଆଗୁଡା, ତେନ୍ତୁଳିଖୁଣ୍ଟି, ପଣ୍ଡିଗାଁ ଧାନ ମଣ୍ଡିରୁ ଧାନ ବୋଝେଇ କରି ନେଉଥିବା ଏବଂ ଧାନ ବୋଝେଇ କରିବା ପାଇଁ ଯାଉଥିବା ବହୁ ଟ୍ରକ ଦୀର୍ଘ ସମୟ ଧରି ରାସ୍ତାର ଉଭୟ ପାଶ୍ୱର୍ରେ ଅଟକି ରହିଥିଲା। ଏହି ରାସ୍ତା ଦେଇ ଥୁଆମୁଳ ରାମପୁର, ମୁଖିଗୁଡା, ଜୟପାଟଣା ଅଂଚଳକୁ ଯାତାୟତ ଠପ୍ ହେଇଯାଇଥଲା। ଏନେଇ କଲମପୁର ଅଗ୍ନିଶମ ବିଭାଗକୁ ସୂଚନା ଦେବା ପରେ ଅଗ୍ନିଶମ ବିଭାଗ କର୍ମଚାରୀ ଘଟଣାସ୍ଥଳରେ ପହଂଚି ଗଛ କାଟି ସଫା କରିବା ପରେ ଯାତାୟତ ସ୍ୱଭାବିକ ହେଇଛି ।
ଶକ୍ତିଶାଳୀ ରାଜଯୋଗ.. ଏହି ରାଶିଙ୍କ ଜୀବନରେ ହେବ ବଡ ପରିବର୍ତ୍ତନ; ବର୍ଷିବ ଧନ, କିଣିବେ ଘର,ଗାଡି..
