ଜି ଉଦୟଗିରି : ସ୍ଥାନୀୟ ବନପାଳ ତାଲିମ୍ କେନ୍ଦ୍ର ପରିସରରେ ଆଞ୍ଚଳିକ ମୁଖ୍ୟ ବନସଂରକ୍ଷକ ବ୍ରହ୍ମପୁର ମଣ୍ଡଳ ବିଶ୍ଵନାଥ ନିଲାନବରଙ୍କ ଅଧକ୍ଷତାରେ ଆୟୋଜିତ ୫୮ତମ ସମାବର୍ତ୍ତନ ଉତ୍ସବରେ ସମ୍ମାନିତ ଅତିଥି ଭାବେ ବନଖଣ୍ଡ ଅଧିକାରୀ ଫୁଲବାଣୀ ପ୍ରଶାନ୍ତ କୁମାର ପଟେଲ ଯୋଗଦେଇ ତାଲିମ କେନ୍ଦ୍ରରୁ ତାଲିମ ନେଇ ନିଜ କର୍ମ କ୍ଷେତ୍ରରେ ସୁବିନିଯୋଗ କଲେ ବିଭାଗର ମର୍ଯ୍ୟାଦା ଅକ୍ଷୁର୍ଣ୍ଣ ରହିବ ବୋଲି ମତବ୍ୟକ୍ତ କରିଥିଲେ। ଏଥି ସହିତ ବନପାଳଙ୍କ ଦାୟୀତ୍ୱ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ତେଣୁ ଏହାକୁ ନିଷ୍ଠାର ସହ କାର୍ଯ୍ୟ କରିବାକୁ ପରାମର୍ଶ ଦେଇଥିଲେ। ପୂର୍ବରୁ ଉପ ବନସଂରକ୍ଷକ ଦିବାକର ବେହେରା ସ୍ୱାଗତ ଭାଷଣ ପ୍ରଦାନ ସହ ବିବରଣୀ ପାଠ କରିଥିଲେ। ପରେ ତାଲିମ ରେ ଭାଗ ନେଇ ଥିବା ୫୪ ଜଣଙ୍କୁ ମାନପତ୍ର ସହ ମେଡାଲ ପ୍ରଦାନ କରଯାଇଥିଲା। ଅନ୍ୟମାନଙ୍କ ମଧ୍ୟରେ ସହକାରୀ ବନ ସଂରକ୍ଷକ ସେତଲିନା ସାହୁ ଓ କଳ୍ପନା ନାୟକ ଉପସ୍ଥିତ ଥିବା ବେଳେ କାର୍ଯକ୍ରମ ପରିଚାଳନାରେ ବନପାଳ ଶଙ୍କର ପଣ୍ଡା ଓ ବନରକ୍ଷୀ ପ୍ରଭାତ ପଣ୍ଡା ସହଯୋଗ କରିଥିଲେ।
Popular Categories
Previous article
Next article