ଏପ୍ରିଲ ୫ରେ  କୁକି ଜୋ ଏବଂ ମୈତେଇ ଗୋଷ୍ଠୀ ମଧ୍ୟରେ ହେବ ଆଲୋଚନା, ୩ଟି ସର୍ତ୍ତ ରଖିଲେ ଶୀର୍ଷ ନେତୃତ୍ଵ

ଇମ୍ଫାଲ: ନୂଆଦିଲ୍ଲୀରେ ଗୃହ ମନ୍ତ୍ରଣାଳୟ ପକ୍ଷରୁ ଏପ୍ରିଲ ୫ ତାରିଖରେ  କୁକି ଜୋ ଏବଂ ମୈତେଇ ଗୋଷ୍ଠୀ ମଧ୍ୟରେ ଆଲୋଚନା ହେବ।  ଏହାପୂର୍ବରୁ ମଣିପୁରର କାଙ୍ଗପୋକପି ଜିଲାରେ ଅନୁଷ୍ଠିତ ବୈଠକରେ କୁକି ଶୀର୍ଷ ନେତୃତ୍ୱ ତିନୋଟି ସର୍ତ୍ତ  ରଖିଛନ୍ତି।  ସଂଖ୍ୟା ଗରିଷ୍ଠ ଥିବା ଅନ୍ୟ ସମ୍ପ୍ରଦାୟ ଅଞ୍ଚଳରେ ମୈତେଇଏବଂ କୁକି କୌଣସି ସୀମା ଉଲ୍ଲଙ୍ଘନ କରିବେ ନାହିଁ ବୋଲି ସର୍ତ୍ତ ରଖାଯାଇଛି।

କୁକି ଜୋ ପରିଷଦ (କେଜେଡସି) ଅଧ୍ୟକ୍ଷ ହେନଲିଆନଥାଙ୍ଗ ଥାଙ୍ଗଲେଟ୍ କହିଛନ୍ତି ଯେ ମଙ୍ଗଳବାର  ଆଦିବାସୀ ଏକତା କମିଟି (ସିଓଟିୟୁ) ଦ୍ୱାରା କାଙ୍ଗପୋକପିରେ ଆୟୋଜିତ ଏକ ପରାମର୍ଶ ବୈଠକରେ ଏହି ତିନୋଟି ସର୍ତ୍ତ  ରଖାଯାଇଛି।  ତିନୋଟି ପୂର୍ବ ସର୍ତ୍ତ ହେଉଛି କୁକି-ଜୋ-ଅଧିକୃତ ଅଞ୍ଚଳରେ ମୈତେଇ ବ୍ୟକ୍ତିମାନଙ୍କର ଗତିବିଧି ଉପରେ କଡ଼ାକଡ଼ି ପ୍ରତିବନ୍ଧକ ଲାଗୁ ହେବ। ଆଲୋଚନାକୁ ସହଜ କରିବା ପାଇଁ ସର୍ବନିମ୍ନ ଛଅ ମାସ ପାଇଁ ଶତ୍ରୁତା ବନ୍ଦ କରାଯିବ। ଯୁଦ୍ଧବିରତି ଅବଧି ମଧ୍ୟରେ ଏକ ସଂରଚିତ ଆନୁଷ୍ଠାନିକ ଏବଂ ଅର୍ଥପୂର୍ଣ୍ଣ ଆଲୋଚନା ପ୍ରକ୍ରିୟା ଆରମ୍ଭ କରାଯିବା ଆବଶ୍ୟକ। ସଂଖ୍ୟା ଗରିଷ୍ଠ ଥିବା ଅନ୍ୟ ସମ୍ପ୍ରଦାୟ ଅଞ୍ଚଳରେ ମୈତେଇଏବଂ କୁକି କୌଣସି ସୀମା ଉଲ୍ଲଙ୍ଘନ କରିବେ ନାହିଁ ବୋଲି ସର୍ତ୍ତ ରଖାଯାଇଥିବା କୁକି ଜୋ ପରିଷଦ (କେଜେଡସି) ଅଧ୍ୟକ୍ଷ ହେନଲିଆନଥାଙ୍ଗ ଥାଙ୍ଗଲେଟ୍  ପ୍ରକାଶ କରିଛନ୍ତି।