ଗଞ୍ଜାମ: ଗଞ୍ଜାମ ବ୍ଲକ ଅନ୍ତର୍ଗତ ହୁମା ୧୬ ନମ୍ବର ଜାତୀୟ ରାଜପଥରୁ ବଟେଶ୍ୱର ମନ୍ଦିରକୁ ସଂଯୋଗ ରାସ୍ତାଟି ବର୍ତ୍ତମାନ ଶୋଚନୀୟ ଅବସ୍ଥାରେ ରହିଛି। ଫଳରେ ଏହି ରାସ୍ତା ଉପରେ ନିର୍ଭର କରୁଥିବା ଲୋକମାନେ ଅସୁବିଧାର ସମ୍ମୁଖୀନ ହେଉଛନ୍ତି। ଗ୍ରାମ୍ୟ ଉନ୍ନୟନ ବିଭାଗ ଅଧୀନରେ ରହିଥିବା ଏହି ରାସ୍ତାର ମରାମତି ଅଭାବ ଯୋଗୁଁ ବର୍ତ୍ତମାନ ଖାଲଖମା ସୃଷ୍ଟି ହେଇଛି। ଏଥିପ୍ରତି ବିଭାଗୀୟ ଅଧିକାରୀଙ୍କ ଦୃଷ୍ଟି ପଡୁନାହିଁ, ଫଳରେ ଯାତାୟାତ ବେଳେ ଅସୁବିଧା ସୃଷ୍ଟି ହେଉଛି ବୋଲି ଅଞ୍ଚଳବାସୀ ଅଭିଯୋଗ କରିଛନ୍ତି।
ସୂଚନା ଯୋଗ୍ୟ, ଏହି ରାସ୍ତାରେ କଣ୍ଟିଆ ଗଡ଼, ନୀଳାଦ୍ରିପୁର, ଖଟୁଆ କୁଦା, ପୋଡ଼ମ ପେଟା, ସମେତ ପ୍ରସିଦ୍ଧ ଶୈବ ପୀଠ ବଟେଶ୍ୱର ମନ୍ଦିରକୁ ପ୍ରତ୍ୟେକ ଦିନ ବିଭିନ୍ନ ଅଞ୍ଚଳରୁ ପର୍ଯ୍ୟଟକ ଯାଇଥାନ୍ତି। ସେହିପରି ବିରଳ ଅଲିଭ ରିଡ୍ଲେ ସାମୁଦ୍ରିକ କଇଁଛଙ୍କ ଗଣ ଅଣ୍ଡା ଦାନ ହେଉ କିମ୍ବା ଅଣ୍ଡାରୁ ଛୁଆ ହେବା ପରେ ଏହି ରାସ୍ତାରେ ବହୁ ପଦାଧିକାରୀ ସମେତ ଅନ୍ୟମାନେ ଆସିଥାନ୍ତି। ଏପରିକି ଏହି ରାସ୍ତାରେ ଏକ ସରକାରୀ ବସ ସେବା ମନ୍ଦିର ପର୍ଯ୍ୟନ୍ତ ଚାଲୁଛି। ଏହି ସବୁ ବ୍ୟବସ୍ଥା ଥିବା ବେଳେ ରାସ୍ତାଟି ଖାଲଖମା ହୋଇ ପଡ଼ି ରହିଛି। ଏଥିପ୍ରତି ବିଭାଗୀୟ କର୍ତ୍ତୃପକ୍ଷ ଦୃଷ୍ଟି ଦେବାକୁ ଦାବୀ ହେଉଛି।
୧୦୦ ବର୍ଷ ପରେ ହିନ୍ଦୁ ନବବର୍ଷରେ ଦୁର୍ଲ୍ଲଭ ଯୋଗ : ଏହି ରାଶିଙ୍କ ହଠାତ୍ ଚମକିବ ଭାଗ୍ୟ, ମିଳିବ ଧନ, ବଢିବ ଦରମା..
ସ୍ୱାମୀକୁ ହତ୍ୟା ପରେ ୧୫ ଖଣ୍ଡ କଲା ସ୍ତ୍ରୀ, ସିମେଣ୍ଟରେ କଲା ସିଲ୍, ଆଶ୍ଚର୍ଯ୍ୟ କରିବ କାରଣ
