ଧାମରା – ଦୁଷ୍କର୍ମ ଉଦ୍ୟମ କରିବା ଅଭିଯୋଗରେ ଭଦ୍ରକ ଜିଲ୍ଲା ଧାମରା ଥାନା ଅନ୍ତର୍ଗତ କଇଥଖୋଲା ଗ୍ରାମର ଅବଦୁଲ ଅହେଦ୍ ଖାନ୍ ନାମକ ଯୁବକ କୁ ଗିରଫ କରି କୋର୍ଟ ଚାଲାଣ କରିଛି ପୁଲିସ। ପୀଡିତା ମହିଳାଙ୍କ ଲିଖିତ ଅଭିଯୋଗ ଅନୁସାରେ ତାଙ୍କୁ ଗିରଫ କରାଯାଇଛି ।
ପୀଡିତାଙ୍କ ସ୍ୱାମୀ ଦିବ୍ୟାଙ୍ଗ ହୋଇଥିବା ବେଳେ ଘରର ସବୁ କଥା ସ୍ତ୍ରୀ ବୁଝନ୍ତି।ମହିଳାଙ୍କର ଗୋଟେ ଟ୍ରାକ୍ଟର ରହିଥିବା ବେଳେ ଉକ୍ତ ମହିଳାଙ୍କୁ ବାରମ୍ବାର ଅବଦୁଲ ଆହେଦ ଖାନ୍ ଦାଦା ବଟି ମାଗିବା ସହ ହଇରାଣ କରୁଥିଲେ। ତେବେ ଅବଦୁଲ ମହିଳାଙ୍କ ଘରକୁ ଆସି ଟ୍ରାକ୍ଟର ଆଳ ଦେଖାଇ ମହିଳାଙ୍କୁ ଅଶ୍ଳୀଳ ଇଙ୍ଗିତ କରିବା ସହ ମହିଳାଙ୍କ ସରଳତାର ସୁଯୋଗ ନେଇ ଦୁଷ୍କର୍ମ ଉଦ୍ୟମ କରିଥିବା ଧାମରା ଥାନାରେ ପୀଡିତା ଜଣକ ଅଭିଯୋଗ କରିଛନ୍ତି। ପୋଲିସ ଉକ୍ତ ଘଟଣାର ତଦନ୍ତ କରିବା ସହିତ ଅବଦୁଲ ଆହେଦ ଖାନ୍ କୁ ଗିରଫ କରି କୋର୍ଟ ଚାଲାଣ କରିଛି।
