ଧାମରା : ଶ୍ରୀନଗରରେ କାର୍ଯ୍ୟରତ ଯବାନଙ୍କ ସନ୍ଦେହଜନକ ମୃତ୍ୟୁ ଘଟିଛି। ଦେଶ ମାତୃକାର ସେବାରେ ନିୟୋଜିତ ପୁଅର ସନ୍ଦେହଜନକ ମୃତ୍ୟୁର କାରଣ ଖୋଜୁଛନ୍ତି ପୁଲିସ ଓ ଅଞ୍ଚଳବାସୀ। ଭଦ୍ରକ ଜିଲ୍ଲା ଚାନ୍ଦବାଲି ବ୍ଳକ ଅନ୍ତର୍ଗତ ନାଲଗୁଣ୍ଡା ପଞ୍ଚାୟତର ନାଲଗୁଣ୍ଡା ଗ୍ରାମର ଏହି ଦୁଃଖଦ ଘଟଣା ଶୋକାକୂଳ ପରିବେଶ ସୃଷ୍ଟି କରିଛି।
ସୂଚନା ମୁତାବକ ଉକ୍ତ ଗ୍ରାମର ଅବସରପ୍ରାପ୍ତ ଶିକ୍ଷକ ବିଷ୍ଣୁ ମୋହନ ଦାସଙ୍କର ଏକମାତ୍ର ପୁତ୍ର ସମ୍ବିତ କୁମାର ଦାସ ଭାରତୀୟ ସେନାରେ ଦୀର୍ଘ ୧୫ ବର୍ଷ ହେବ କାର୍ଯ୍ୟ କରୁଥିଲେ। କିଛି ଦିନ ହେବ ଶ୍ରୀନଗରରେ କାର୍ଯ୍ୟରତ ଥିଲେ । ଦୁଇ ଦିନ ତଳେ ତାଙ୍କ ସ୍ତ୍ରୀ ସସ୍ମିତାଙ୍କ ପାଖକୁ ସ୍ୱାମୀଙ୍କ ମୃତ୍ୟୁ ହୋଇଥିବା ଫୋନ ଆସିଲା। କଣ ପାଇଁ ହେଲା, କେମିତି ହେଲା କିଛି ସୂଚନା ନ ଥିଲା । ଆଜି ଯବାନଙ୍କ ମରଶରୀର ଜନ୍ମମାଟିରେ ପହଞ୍ଚିବା ପରେ ସୃଷ୍ଟି ହୋଇଥିଲା ଶୋକକୂଳ ପରିବେଶ। ଗ୍ରାମବାସୀ ଯବାନଙ୍କ ଶେଷ ଦର୍ଶନ କରିଥିଲେ। ଗାଁ ମଶାଣିରେ ଯବାନଙ୍କ ଶେଷକୃତ୍ୟ ସମ୍ପନ୍ନ ହୋଇଛି। ମୁଣ୍ଡପିଟି କାନ୍ଦୁଛି ମାଆ, ନିସ୍ତବ୍ଧ ଭାବେ ଶୋଇ ରହିଛନ୍ତି ବାପା, ମାଆ ,ସ୍ତ୍ରୀ ଓ ଦୁଇ ପୁଅ। କେମିତି କଣ ଘଟିଲା ସେନେଇ ଅନେକ ପ୍ରଶ୍ନ ପରିବାରଲୋକେ ଓ ଗ୍ରାମବାସୀଙ୍କ ମଧ୍ୟରେ ସୃଷ୍ଟି ହୋଇଛି ।
ଶ୍ରୀନଗରରେ କାର୍ଯ୍ୟରତ ଯବାନଙ୍କ ସନ୍ଦେହଜନକ ମୃତ୍ୟୁ
Popular Categories
Previous article
Next article