ଧାମରା: ଧାମରାଠାରେ କେନ୍ଦ୍ରୀୟ ଉଦ୍ୟୋଗ ସୁରକ୍ଷା ବଳ ପକ୍ଷରୁ ଏକ ସାଇକେଲ ଶୋଭାଯାତ୍ରାକୁ ଭଦ୍ରକ ଜିଲାପାଳ ଦିଲୀପ ରାଉତରାୟ ପତାକା ଦେଖାଇ ଶୁଭାରମ୍ଭ କରିଛନ୍ତି। ସୁରକ୍ଷିତ ତଟ ସମୃଦ୍ଧ ଭାରତ ଗଠନ ପାଇଁ କେନ୍ଦ୍ରୀୟ ଉଦ୍ୟୋଗ ସୁରକ୍ଷା ବଳ ପକ୍ଷରୁ ଏକ ସଚେତନତା ସାଇକେଲ ଶୋଭାଯାତ୍ରା ଆସି ଧାମରାରେ ପହଞ୍ଚିଥିଲା। କେନ୍ଦ୍ରୀୟ ଉଦ୍ୟୋଗ ସୁରକ୍ଷା ବଳର ଅଧିକାରୀ ସେମାନଙ୍କୁ ଗୋଲାପ ଫୁଲ ଦେଇ ସ୍ୱାଗତ କରିଥିଲେ। ଆଜି ସକାଳ ସମୟରେ ସ୍ଥାନୀୟ ଗୋଲଡେନ ଆଙ୍କର ହୋଟେଲରେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହେବା ପରେ ଉପସ୍ଥିତ ଭଦ୍ରକ ଜିଲାପାଳ କାର୍ଯ୍ୟକ୍ରମର ଉଦ୍ଦେଶ୍ୟ ବିଷୟରେ ଅବଗତ କରାଇଥିଲେ। ଏହି ସାଇକେଲ ରାଲିରେ କେନ୍ଦ୍ରୀୟ ଉଦ୍ୟୋଗ ସୁରକ୍ଷା ବଳ ପକ୍ଷରୁ ୫୦ଜଣ ସାଇକେଲ ଆରୋହୀ ଅଂଶ ଗ୍ରହଣ କରିଥିବାବେଳେ ଏହି ଦଳ ୧୧ଟି ରାଜ୍ୟ ଏବଂ କେନ୍ଦ୍ର ଶାସିତ ରାଜ୍ୟର ୬୫୫୩ କିମି ସାଇକେଲ ରାଲି କରିବେ। ସୁରକ୍ଷିତ ତଟ ଏବଂ ସମୃଦ୍ଧ ଭାରତ ଗଠନ କରିବା ସହ ସୁସ୍ଥ ପରିବେଶ ଗଠନ ଏହାର ମୂଳ ଲକ୍ଷ୍ୟ ବୋଲି ମତପ୍ରକାଶ ପାଇଥିଲା। ପରେ ଭଦ୍ରକ ଜିଲାପାଳ ଏବଂ କେନ୍ଦ୍ରୀୟ ଉଦ୍ୟୋଗ ସୁରକ୍ଷା ବଳର ଅଧିକାରୀ ଏମାନଙ୍କୁ ପତାକା ଦେଖାଇ ୫ମ ଦିନ ସାଇକେଲ ରାଲିର ଶୁଭାରମ୍ଭ କରିଥିଲେ।
Popular Categories
Previous article
Next article