ସମାଜ ଡିଜିଟାଲ ଡେସ୍କ: ଭାରତ ଖୁବଶୀଘ୍ର ଫ୍ରାନ୍ସଠାରୁ ୨୬ଟି ରାଫେଲ ସାମୁଦ୍ରିକ ଯୁଦ୍ଧ ବିମାନ ଆଣିବ। ଆସନ୍ତା ମାସରେ ଏହି ଡିଲ ସମ୍ପନ୍ନ ହୋଇପାରେ ବୋଲି ସୂଚନା ଦେଇଛନ୍ତି ନୌସେନା ମୁଖ୍ୟ ଦୀନେଶ ତ୍ରିପାଠୀ। ନୌସେନା ଦିବସ ଉପରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ତ୍ରିପାଠୀ ଏହି ସୂଚନା ଦେଇଛି। ଦୁଇ ଦେଶ ମଧ୍ୟରେ ବୁଝାମଣା ନେଇ ଆଉ ଗୋଟିଏ ପର୍ଯ୍ୟାୟ ଆଲୋଚନା ବାକି ରହିଛି। ଏହା ଶେଷ ହେଲେ ଫ୍ରାନ୍ସ ସହିତ ଡିଲ୍ ସମ୍ପନ୍ନ ହେବ। ସେ ଆହୁରି କହିଛନ୍ତି ଯେ, ସରକାରୀ ସ୍ତରରେ ଆଲୋଚନା ଚାଲିଥିବାରୁ ରାଫେଲ ଚୁକ୍ତିରେ ବିଳମ୍ବ ହେବ ନାହିଁ। ଅନେକ ଥର ଆଲୋଚନା କରାଯିବା ପରେ ରାଫେଲ କମ୍ପାନୀ ବିମାନ ମୂଲ୍ୟ ହ୍ରାସ କରିଛି। ୨୦୧୬ରେ ବାୟୁସେନା ପାଇଁ ୩୬ ରାଫେଲ ବିମାନ ଆଣିବା ଲାଗି ଯେଉଁ ମୂଲ୍ୟରେ ଚୁକ୍ତି ହୋଇଥିଲା ବର୍ତ୍ତମାନ ବି ସେହି ମୂଲ୍ୟରେ ଚୁକ୍ତି ହେବ ବୋଲି ସେ କହିଛନ୍ତି। ଏହି ଚୁକ୍ତି ଭାରତୀୟ ନୌସେନା ପାଇଁ ଅତ୍ୟନ୍ତ ଗୁରୁତ୍ଵପୂର୍ଣ୍ଣ। ନୌସେନାର ଦକ୍ଷତା ବୃଦ୍ଧିରେ ଏହା ବେଶ୍ ସହାୟକ ହେବ।
Popular Categories
Previous article
Next article