ଡେସ୍କ: ବିଶ୍ୱବିଦ୍ୟାଳୟ ଅନୁଦାନ ଆୟୋଗ-ୟୁଜିସି ଖୁବ୍ ଶୀଘ୍ର ୟୁଜି ଛାତ୍ରଛାତ୍ରୀଙ୍କୁ ଡିଗ୍ରୀ ପାଠ୍ୟକ୍ରମର ଅବଧି କମାଇବା କିମ୍ବା ବୃଦ୍ଧି କରିବାର ବିକଳ୍ପ ପ୍ରଦାନ କରିବ। ୟୁଜିସି ତ୍ୱରିତ ଡିଗ୍ରୀ କାର୍ଯ୍ୟକ୍ରମ ଏବଂ ସମ୍ପ୍ରସାରିତ ଡିଗ୍ରୀ କାର୍ଯ୍ୟକ୍ରମ ପାଇଁ ଷ୍ଟାଣ୍ଡାର୍ଡ ଅପରେଟିଂ ପ୍ରୋସିଜିଓରକୁ ଅନୁମୋଦନ କରିଛି। ୟୁଜିସି ଅଧ୍ୟକ୍ଷ ଏମ୍ ଜଗଦୀଶ କୁମାର ଗଣମାଧ୍ୟମକୁ କହିଛନ୍ତି ଯେ ଏକ୍ସେଲେରେଟେଡ୍ ଡିଗ୍ରୀ ପ୍ରୋଗ୍ରାମ ମାଧ୍ୟମରେ ଛାତ୍ରଛାତ୍ରୀମାନେ ସେମିଷ୍ଟର ପିଛା ଅତିରିକ୍ତ କ୍ରେଡିଟ୍ ହାସଲ କରି କମ୍ ସମୟ ମଧ୍ୟରେ ତିନି ବର୍ଷ କିମ୍ବା ଚାରି ବର୍ଷର ଡିଗ୍ରୀ ପୂରଣ କରିପାରିବେ।
ଏକ୍ସଲେରେଟେଡ ଡିଗ୍ରୀ ପ୍ରୋଗ୍ରାମ ଏବଂ ଏକ୍ସଟେଣ୍ଡେଡ୍ ଡିଗ୍ରୀ ପ୍ରୋଗ୍ରାମ ଅଧୀନରେ ଛାତ୍ରଛାତ୍ରୀମାନେ ମାନକ ଅବଧି କାର୍ଯ୍ୟକ୍ରମ ଭଳି ସମାନ କ୍ରେଡିଟ୍ ପାଇବେ। ପ୍ରତି ସେମିଷ୍ଟରରେ କମ୍ କ୍ରେଡିଟ୍ ନେଇ ବିସ୍ତାରିତ ଡିଗ୍ରୀ ପ୍ରୋଗ୍ରାମ ଅଧୀନରେ ଛାତ୍ରଛାତ୍ରୀମାନେ ସେମାନଙ୍କ ଡିଗ୍ରୀ ସମୟସୀମାକୁ ଦୁଇ ସେମିଷ୍ଟର ପର୍ଯ୍ୟନ୍ତ ବୃଦ୍ଧି କରିପାରିବେ। ଏହି ସବୁ କାର୍ଯ୍ୟକ୍ରମ ପାଇଁ ଛାତ୍ରଛାତ୍ରୀଙ୍କ ଯୋଗ୍ୟତା ମୂଲ୍ୟାଙ୍କନ ପାଇଁ ଉଚ୍ଚଶିକ୍ଷାନୁଷ୍ଠାନ କମିଟି ଗଠନ କରିବ। ଅନୁଷ୍ଠାନଗୁଡ଼ିକ ତ୍ୱରିତ ଡିଗ୍ରୀ କାର୍ଯ୍ୟକ୍ରମ ପାଇଁ ମଞ୍ଜୁରୀପ୍ରାପ୍ତ ନାମଲେଖାର ୧୦ ପ୍ରତିଶତ ପର୍ଯ୍ୟନ୍ତ ନିର୍ଦ୍ଧାରଣ କରିପାରିବେ। ଉଚ୍ଚ ଶିକ୍ଷାନୁଷ୍ଠାନ ଗୁଡ଼ିକ ପାଠ୍ୟକ୍ରମ ସମାପ୍ତ ହେବା ପରେ ଛାତ୍ରଛାତ୍ରୀଙ୍କୁ ମାନକ ଅବଧି ପରିବର୍ତ୍ତେ ନିର୍ଦ୍ଧାରିତ ଅବଧିରେ ଡିଗ୍ରୀ ପ୍ରଦାନ କରିବେ। ପୂର୍ବରୁ କିମ୍ବା ପରେ ସମାପ୍ତ ହୋଇଥିବା ସ୍ନାତକୋତ୍ତର ଡିଗ୍ରୀକୁ ସମସ୍ତ ନିଯୁକ୍ତି ଏବଂ ଶିକ୍ଷାଗତ ଉଦ୍ଦେଶ୍ୟ ପାଇଁ ମାନକ ଅବଧି ଡିଗ୍ରୀ ସହିତ ସମାନ ଭାବରେ ବିବେଚନା କରାଯିବ।
Comments are closed.