ଡେସ୍କ: ତେଲେଙ୍ଗାନାର ହାଇଦ୍ରାବାଦର ରାଇଦୁର୍ଗମ୍ ଅଞ୍ଚଳରେ ଚଳିତ ମାସ ୨୭ ତାରିଖରେ ଜଣେ ମହିଳା ଆତ୍ମହତ୍ୟା କରିଥିବା ନେଇ ଗଣମାଧ୍ୟମରେ ପ୍ରକାଶିତ ଖବରକୁ ଜାତୀୟ ମାନବାଧିକାର ଆୟୋଗ ନିଜଆଡୁ ମାମଲା ଭାବେ ଗ୍ରହଣ କରିଛନ୍ତି। ଆୟୋଗ ମୁଖ୍ୟ ଶାସନ ସଚିବ ଏବଂ ତେଲେଙ୍ଗାନା ପୋଲିସ ମହାନିର୍ଦ୍ଦେଶକଙ୍କୁ ନୋଟିସ ଜାରି କରି ଦୁଇ ସପ୍ତାହ ମଧ୍ୟରେ ଏହି ମାମଲାରେ ରୁଜୁ ହୋଇଥିବା ଏଫଆଇଆରର ସ୍ଥିତି ସମେତ ବିସ୍ତୃତ ରିପୋର୍ଟ ମାଗିଛନ୍ତି।
ମିଳିଥିବା ସୂଚନା ଅନୁଯାୟୀ, ଓଡ଼ିଶାର ୨୫ ବର୍ଷୀୟା ପୀଡ଼ିତା ଯୌନ ନିର୍ଯାତନାରୁ ବର୍ତ୍ତିବା ପାଇଁ ଆତ୍ମହତ୍ୟା କରିଥିବା ଅଭିଯୋଗ ହୋଇଛି ଏବଂ ପୀଡ଼ିତାଙ୍କୁ ଦଲାଲଙ୍କ ଜରିଆରେ ସରୋଗେସି ପାଇଁ ସହରକୁ ଅଣାଯାଇଥିଲା।
