ସମ୍ବଲପୁର: ସମ୍ବଲପୁରର ଇନରହ୍ୱିଲ କ୍ଲବର ହେଣ୍ଡଲୁମ ସିଟି ପକ୍ଷରୁ ପଶୁ ସେବା କାର୍ଯ୍ୟ ସେବା ଓ ସହାୟତା କାର୍ଯ୍ୟକ୍ରମ କରାଯାଇଛି। ବୁଧବାର ଆୟୋଜିତ ଏହି କାର୍ଯ୍ୟକ୍ରମ ଅଇଁଠାପାଲି ସ୍ଥିତ ‘ସେବା କୁଞ୍ଜ’ ଅନୁଷ୍ଠାନରେ ହୋଇଥିଲା। ସେବା କୁଞ୍ଜ ଅନୁଷ୍ଠାନରେ ବୁଲା ଗାଈ, କୁକୁର ଆଦି ଙ୍କୁ କୌଣସି ଦୁର୍ଘଟଣାରେ ଆହତ ହେଲେ ନିଆଯାଇ ସେବା ସୁଶୃଷା କରାଯାଇଥାଏ। ଏଣୁ ଆହତ ପଶୁ ମାନଙ୍କୁ ସେବା କରିବା ଲକ୍ଷ୍ୟ ନେଇ ଆୟୋଜିତ ଏହି କାର୍ଯ୍ୟକ୍ରମରେ ପଶୁ ମାନଙ୍କ ପାଇଁ ଘାସ, ଫଳ, ପନିପରିବା, ଚାଉଳ ଆଦି କ୍ଲବ ପକ୍ଷରୁ ଦାନ ଦିଆଯାଇଥିଲା। ଏଥି ସହ ଆହତ ପଶୁ ମାନଙ୍କର ଉତ୍ତମ ଚିକିତ୍ସା ଓ ଭରଣ ପୋଷଣ ପାଇଁ କ୍ଲବ ତରଫରୁ ୧୩ ହଜାର ଟଙ୍କା ଅନୁଷ୍ଠାନକୁ ପ୍ରଦାନ କରାଯାଇଛି। କାର୍ଯ୍ୟକ୍ରମରେ କ୍ଲବର ସଭାପତି ଜ୍ୟୋତିମଞ୍ଜରୀ ବରିହା, ସମ୍ପାଦିକା ଜୟଶ୍ରୀ ରାୟଗୁରୁ, ସୁଜାତା ପାଢ଼ୀ, ମମତା ବାରିକ, ସନ୍ଧ୍ୟାରାଣୀ ମିଶ୍ର, ସ୍ୱାତି ପଟ୍ଟନାୟକ, ସଶ୍ମିତା ସାହୁ ଓ ଅନ୍ୟ ସଦସ୍ୟା ମାନେ ଉପସ୍ଥିତ ରହିଥିଲେ।
Comments are closed.