‘ପଥେର୍ ପାଞ୍ଚାଲି’ର ଦୁର୍ଗା ଭୂମିକାରେ ଅଭିନୟ କରିଥିବା ଉମା ଦାଶଗୁପ୍ତାଙ୍କର ପରଲୋକ

କୋଲକାତା : ବିଶ୍ବ ପ୍ରସିଦ୍ଧ ବେଙ୍ଗଲୀ ଚଳଚ୍ଚିତ୍ର ‘ପଥେର୍ ପାଞ୍ଚାଲି’ର ଦୁର୍ଗା ଭୂମିକାରେ ଅଭିନୟ କରିଥିବା ଉମା ଦାଶଗୁପ୍ତାଙ୍କର ୮୪ ବର୍ଷ ବୟସରେ ପରଲୋକ ଘଟିଛି । ୧୯୫୫ରେ ନିର୍ମିତ ‘ପଥେର୍ ପାଞ୍ଚାଲି’ ଚଳଚ୍ଚିତ୍ର ସତ୍ୟଜିତ୍ ରାୟଙ୍କର ଅନ୍ୟତମ ଶ୍ରେଷ୍ଠ କୃତି ଯାହା ବିଶ୍ବବ୍ୟାପୀ ଆଲୋଡନ ସୃଷ୍ଟି କରିଥିଲା । ଏହି ଚଳଚ୍ଚିତ୍ରରେ ମାତ୍ର ୧୫ ବର୍ଷ ବୟସରେ ଦୁର୍ଗା ଭୂମିକାରେ ଅଭିନୟ କରିଥିବା ଉମା ଦାଶଗୁପ୍ତା ଦର୍ଶକ ମଣ୍ଡଳୀଙ୍କୁ ଚମତ୍କୃତ କରିଦେଇଥିଲେ । ‘ପଥେର୍ ପାଞ୍ଚାଲି’ ଭାରତୀୟ ସିନେମା ଇତିହାସରେ ସର୍ବାଧିକ ଚର୍ଚ୍ଚିତ ସିନେମା ଏବଂ ଏହା ସମଗ୍ର ବିଶ୍ବରେ ଭାରତର ସିନେମା ଶିଳ୍ପ କେତେ ସୃଜନଶୀଳ ତାହା ପ୍ରମାଣିତ କରିଥିଲା । ସିନେମାରେ ଉମା ଦାଶଗୁପ୍ତାଙ୍କ ଅଭିନୟ ଅତି ଚମତ୍କାର ହୋଇଥିଲା । ନିଜ ପ୍ରଥମ ଚଳଚ୍ଚିତ୍ରରେ ଦମଦାର ଅଭିନୟ କରି ଅନେକ ପ୍ରଶଂସା ସାଉଁଟିଥିଲେ ଉମା । ତେବେ ଗତ କିଛି ଦିନ ଧରି କ୍ୟାନ୍ସରରେ ପୀଡିତ ହୋଇ ଚିକିତ୍ସିତ ହେଉଥିଲେ ଉମା ଦାଶଗୁପ୍ତା । ତାଙ୍କ ଦେହାନ୍ତ ପରେ ସିନେ ଜଗତରେ ଶୋକର ଛାୟା ଖେଳିଯାଇଛି ।

Legendary Uma Dasgupta from Satyajit Ray’s iconic Panther Panchali is no more, but Durga will always stay in our heart, forever. Rest in peace, noble soul! 🙏 pic.twitter.com/15c5pVdZAp

— Sourav || সৌরভ (@Sourav_3294) November 18, 2024