ମଦୁରାଇ : ୨୭ ବର୍ଷ ତଳେ ଜଣଙ୍କ ଘରୁ ୬୦ ଟଙ୍କା ଚୋରି କରିଥିବା ବ୍ୟକ୍ତିକୁ ଗିରଫ କରିବାରେ ସକ୍ଷମ ହୋଇଛି ମଦୁରାଇ ପୁଲିସ। ୧୯୯୭ରେ ପି. ସେଲଭମ୍ ନାମକ ଜଣେ ବ୍ୟକ୍ତିଙ୍କ ନାମରେ ଥାନାରେ ଅଭିଯୋଗ ହୋଇଥିଲା। ସେ ଜଣେ ବ୍ୟକ୍ତିଙ୍କ ଘରୁ ୬୦ ଟଙ୍କା ଚୋରି କରିିଥିବା ଅଭିଯୋଗ ଆସିଥିଲା। ତେବେ ସେଲଭମ୍ ଫେରାର ହୋଇଯାଇଥିବାରୁ ତାଙ୍କୁ ଗିରଫ କରିବାକୁ ପୁଲିସ ସକ୍ଷମ ହୋଇପାରିନଥିଲା। କିଛିଦିନ ତଳେ ମଦୁରାଇର ସହକାରୀ ପୁଲିସ ଆୟୁକ୍ତଙ୍କ ନିର୍ଦେଶକ୍ରମେ ଥାନାରେ ପଡ଼ି ରହିଥିବା ମାମଲାର ପୁନଃ ତଦନ୍ତ ଆରମ୍ଭ କରାଯାଇଥିଲା। ୬୦ ଟଙ୍କା ଚୋରି ଘଟଣାରେ ଅଭିଯୁକ୍ତ ସେଲଭମ୍ଙ୍କୁ ଗିରଫ କରିବା ନିମନ୍ତେ ଏକ ସ୍ବତନ୍ତ୍ର ଦଳ ପ୍ରସ୍ତୁତ କରାଯାଇଥିଲା। ଏହି ଦଳ ଥେପାକୁଲମ୍କୁ ଯାଇ ସେଲଭମ୍ଙ୍କ ସମ୍ପର୍କରେ ତଥ୍ୟ ସଂଗ୍ରହ କରିଥିଲେ। ସେଲଭମ୍ ଶିବକାଶୀରେ ରହୁଥିବା ସୂଚନା ପାଇଁ ସେହି ଦଳ ଶିବକାଶୀ ଯାଇଥିଲା। ଶିବକାଶୀରେ ସେଲଭମ୍ ବିବାହ କରି ନିଜ ପରିବାର ସହ ରହୁଥିବା ସ୍ପଷ୍ଟ ହେବା ପରେ ତଦନ୍ତକାରୀ ଦଳ ସେଲଭମ୍ ଘରକୁ ଯାଇ ତାକୁ ଗିରଫ କରିବାରେ ସକ୍ଷମ ହୋଇଥିଲେ।
Popular Categories
Previous article
Next article