ଡେସ୍କ: ପୂଣ୍ୟତିଥି ପୂର୍ବରୁ ଖାନନଗର ବୁରୁଜ ପାର୍କରେ ଭଜନ ସମ୍ରାଟ ଭିକାରୀ ବଳଙ୍କ ପ୍ରତିମୂର୍ତ୍ତି ସ୍ଥାପନ କରାଯାଇଛି। ବିକାଶ ଭବନରେ ଦୀର୍ଘ ଦେଢ଼ ବର୍ଷ ଧରି ଜରାଜୀର୍ଣ୍ଣ ଅବସ୍ଥାରେ ପଡି ରହିଥିବା ପ୍ରତିମୂର୍ତ୍ତି ଗତକାଲି ସ୍ଥାପିତ ହୋଇଛି।
ଖାନନଗର ବୁରୁଜ ପାର୍କରେ ସ୍ଥାପନ ହେଲା ଭିକାରୀ ବଳଙ୍କ ପ୍ରତିମୂର୍ତ୍ତି pic.twitter.com/Fd5V98jMrg
— Samaja Live (@samajalive) November 2, 2024
ସିଏମସିର ଏକ ପ୍ରତିନିଧି ମଣ୍ଡଳୀ, ବିଧାୟକ ଓ ଭଜନ ସମ୍ରାଟଙ୍କ ପରିବାର ଵର୍ଗଙ୍କ ଉପସ୍ଥିତିରେ ପ୍ରତିମୂର୍ତ୍ତି ଉନ୍ମୋଚିତ ହୋଇଛି। ଭଜନ ସମ୍ରାଟ ଭିକାରୀ ବଳଙ୍କ ପ୍ରତିମୂର୍ତ୍ତି ପୂର୍ବରୁ ଖାନନଗର ପାର୍କରେ ଅବସ୍ଥାପିତ ହୋଇଥିଲା। କିନ୍ତୁ ନେତାଜୀ ବସ୍ ଟର୍ମିନାଲ ନିର୍ମାଣ ହେବା ଏବଂ ସମ୍ମୁଖ ରାସ୍ତା ୬ ଲେନ ସମ୍ପ୍ରସାରଣ କାର୍ଯ ହେବା ଦ୍ବାରା ସଂପୃକ୍ତ ପାର୍କ ଉଛେଦ ହେବା ପରେ,ଭଜନ ସମ୍ରାଟ ଭିକାରୀ ବଳଙ୍କ ପ୍ରତିମୂର୍ତ୍ତିକୁ ବିକାଶ ଭବନରେ ରଖାଯାଇଥିଲା। ରାସ୍ତାକାମ ଚାଲିଥିବାରୁ ଦୀର୍ଘ ଦିନ ଧରି ଏହି ପ୍ରତିମୂର୍ତ୍ତି ପୁନଃ ସ୍ଥାପିତ ହୋଇ ପାରିନଥିଲା। କିନ୍ତୁ ପାର୍କରେ ସ୍ଥାନ ଚିହ୍ନଟ ହେବା ପରେ ଗତ ମାସରୁ କାମ ଆରମ୍ଭ ହୋଇ ଆଜି ପ୍ରତିମୂର୍ତ୍ତି ସ୍ଥାପନ କରିଛି କଟକ ମହାନଗର ନିଗମ। ଅନ୍ୟପଟେ ଭିକାରୀ ବଳଙ୍କୁ ଉଚିତ ସମ୍ମାନ ମିଳିବା ଦିଗରେ ପରିବାର ବେଶ ଖୁସି ପ୍ରକଟ କରିଛନ୍ତି।
ଖାନନଗର ବୁରୁଜ ପାର୍କରେ ସ୍ଥାପନ ହେଲା ଭିକାରୀ ବଳଙ୍କ ପ୍ରତିମୂର୍ତ୍ତି pic.twitter.com/HsSbDyHkt4
— Samaja Live (@samajalive) November 2, 2024
