କେନ୍ଦୁଝରଗଡ଼: ସର୍ବଭାରତୀୟ ଅବସରପ୍ରାପ୍ତ ବ୍ୟାଙ୍କ କର୍ମଚାରୀ ମହାସଂଘ ଆହ୍ୱାନକ୍ରମେ ଜିଲାପାଳ କାର୍ଯ୍ୟାଳୟ ସମ୍ମୁଖରେ କେନ୍ଦୁଝର ଜିଲାର ବିଭିନ୍ନ ବ୍ୟାଙ୍କର ଅବସରପ୍ରାପ୍ତ କର୍ମଚାରୀଙ୍କ ଉପସ୍ଥିତିରେ ଏକ ଗଣଧାରଣା ଅନୁଷ୍ଠିତ ହୋଇଯାଇଛି। ଅବସରପ୍ରାପ୍ତ ବ୍ୟାଙ୍କ କର୍ମଚାରୀ ସଂଘ କେନ୍ଦୁଝର ଶାଖାର କର୍ମକର୍ତ୍ତା କାଙ୍ଗାଳି ଚରଣ ନାଏକ ଓ ସରୋଜ କୁମାର ମହାନ୍ତିଙ୍କ ନେତୃତ୍ୱରେ ଅନୁଷ୍ଠିତ ଏହି ଗଣଧାରଣାରେ ଶତାଧିକ ଅବସରପ୍ରାପ୍ତ ବ୍ୟାଙ୍କ କର୍ମଚାରୀ ଯୋଗଦେଇ ଅବସରପ୍ରାପ୍ତ ବ୍ୟାଙ୍କ କର୍ମଚାରୀଙ୍କ ଦରମା ବୃଦ୍ଧି ସହିତ ବର୍ଦ୍ଧିତ ହାରରେ ରିଜର୍ଭ ବ୍ୟାଙ୍କ କର୍ମଚାରୀଙ୍କ ପେନସନ ପ୍ରଦାନ ନିୟମାନୁଯାୟୀ ପେନସନ ପ୍ରଦାନ, ସ୍ୱାସ୍ଥ୍ୟ ବୀମା ପ୍ରିମିୟମରୁ ସେବାକର (୧୮ପ୍ରତିଶତ) ପ୍ରତ୍ୟାହାର କରାଯାଇ ଅବସରପ୍ରାପ୍ତ କର୍ମଚାରୀଙ୍କୁ ସୁଲଭ ମୂଲ୍ୟରେ ସ୍ୱାସ୍ଥ୍ୟ ବୀମା ଯୋଗାଣ, ସ୍ୱତନ୍ତ୍ର ଭତ୍ତାକୁ ଦରମା ସହିତ ମିଶାଇ ପେନସନ ସ୍ଥିର କରାଯିବା, ଭାରତୀୟ ବ୍ୟାଙ୍କ ସଂଘ ଅବସରପ୍ରାପ୍ତ ବ୍ୟାଙ୍କ କର୍ମଚାରୀ ମହାସଂଘ ସହିତ ସେମାନଙ୍କ ସମସ୍ୟା ସମ୍ବନ୍ଧରେ ସିଧାସଳଖ ଆଲୋଚନା କରାଯାଇ ସମସ୍ୟାର ତୁରନ୍ତ ସମାଧାନ ସହ ଦାବି ସମୂହକୁ ପୁରଣ କରିବାକୁ ଦାବି କରିଛନ୍ତି। ଉପରୋକ୍ତ ମର୍ମରେ ଅବସରପ୍ରାପ୍ତ ବ୍ୟାଙ୍କ କର୍ମଚାରୀଙ୍କ ଏକ ପ୍ରତିନିଧିଦଳ ଜିଲାପାଳଙ୍କ ଜରିଆରେ ପ୍ରଧାନମନ୍ତ୍ରୀଙ୍କ ଉଦ୍ଦେଶ୍ୟରେ ସ୍ମାରକପତ୍ର ପ୍ରଦାନ କରିଥିଲେ। ଅନ୍ୟମାନଙ୍କ ମଧ୍ୟରେ ଗୋବିନ୍ଦ ଚନ୍ଦ୍ର ବେହେରା, ଅକ୍ଷୟ କୁମାର ପଟ୍ଟନାୟକ, ସୁଧୀର ମହାପାତ୍ର, ଯୁଗଳ ପୃଷ୍ଟି, ଯୋଗେନ୍ଦ୍ର ବେହେରା, ବିନୋଦ ବିହାରୀ ସେଠୀ, ଜଗବନ୍ଧୁ ମାଝୀ, ଧନେଶ୍ୱର ମାଝୀ, ବିଶ୍ୱନାଥ ବେଜ, ଭଜମନ ସେଠୀ, ଗୁରୁଚରଣ ନାଏକ, ଜଗବନ୍ଧୁ ସାହୁ, ଦିଗମ୍ବର ମୁଖୀ, ପ୍ରହ୍ଲାଦ ସେଠୀ, ତୁଷାର ପାତ୍ର, ନିଶାକର ନାଏକ, ଶଙ୍ଖାଳି ନାଏକ, ଏମ୍ଡି ମହସୁଦ୍ଦିନ, ଏମ୍ଡିମେହରୁଜୁମା, ଏମ୍ଡି ସୁଲେମାନ ପ୍ରମୁଖ ଏହି ଗଣଧାରଣାରେ ସାମିଲ ହୋଇଥିଲେ।
Popular Categories
Previous article
Next article