ଭୁବନେଶ୍ବର : ସଚିବାଳୟ ମଧ୍ୟକୁ ପ୍ରବେଶ କରିବାକୁ ଗୁରୁବାର ବିଜେପି କୃଷକ ମୋର୍ଚ୍ଚା ଉଦ୍ୟମ କରିଛି। ସୂଚନା ଅନୁସାରେ, ଧାନମଣ୍ଡି ସମସ୍ୟାକୁ ନେଇ ସମବାୟ ମନ୍ତ୍ରୀ ସୂର୍ଯ୍ୟ ନାରାୟଣ ପାତ୍ରଙ୍କ ମନ୍ତବ୍ୟ ପ୍ରତିବାଦରେ କୃଷକ ମୋର୍ଚ୍ଚା ଧସେଇ ପଶିବାକୁ ଉଦ୍ୟମ କରିଛି। ତେବେ ମନ୍ତ୍ରୀଙ୍କୁ ପ୍ରମାଣ ଦେବାକୁ ଆସିଥିବା ବିଜେପି କର୍ମୀ କହିଛନ୍ତି। ଏହି ସମୟରେ ଗେଟ୍ ନିକଟରେ ସୁରକ୍ଷା କର୍ମୀ ଓ କୃଷକ ମୋର୍ଚ୍ଚା ମଧ୍ୟରେ ଧସ୍ତାଧସ୍ତି ହୋଇଥିବା ଜଣାପଡ଼ିଛି। ଧସ୍ତାଧସ୍ତି ପରେ ବିଜେପି କୃଷକ ମୋର୍ଚ୍ଚା କର୍ମାଙ୍କୁ ପୁଲିସ ଗିରଫ କରିଛି।
ଉଲ୍ଲେଖଯୋଗ୍ୟ, ଧାନମଣ୍ଡି ସମସ୍ୟାରେ କୃଷକଙ୍କ ଅଭିଯୋଗ ପରେ ମନ୍ତ୍ରୀ ଶ୍ରୀ ପାତ୍ର କହିଥିଲେ ଯେ, ‘‘ସମସ୍ତ କୃଷକଙ୍କ ବ୍ୟାଙ୍କ୍ ଖାତାକୁ ଉଚିତ୍ ମୂଲ୍ୟ ଅର୍ଥାତ୍ କ୍ବିଣ୍ଟାଲ୍ ପିଛା ୧୭୫୦ଟଙ୍କା ଯାଇଛି। କେଉଁଠି ଉଚିତ୍ ମୂଲ୍ୟ ମିଳୁନାହିଁ କୁହାଯାଉ। ଯଦି ମୁଁ କହୁଥିବା ଟଙ୍କାର ପରିମାଣରୁ କମ୍ ଟଙ୍କା କୃଷକଙ୍କ ଆକାଉଣ୍ଟକୁ ଯାଇଥିବ ତେବେ ମୁଁ ନିଜେ ମୋ ପଦରୁ ଇସ୍ତଫା ଦେବି’’। ମନ୍ତ୍ରୀଙ୍କ ଏହି ମନ୍ତବ୍ୟର ପ୍ରତିବାଦ କରିଛି ବିଜେପି କୃଷକ ମୋର୍ଚ୍ଚା।