କଟକ: ଧରାପୃଷ୍ଠରେ ଲୀଳାଖେଳା ସାରି ଭକ୍ତଙ୍କ ଗ୍ରହଣରୁ ମେଲାଣି ନେଲେ ମାଆ ଦଶଭୂଜା। ସୋମବାର କଟକ ଏବଂ ଭୁବନେଶ୍ଵର ସମତେ ରାଜ୍ୟର ବିଭିନ୍ନ ସ୍ଥାନରେ ବେଶ୍ ଜାକଜମକରେ ସରିଛି ଭସାଣ ଉତ୍ସବ। ତେବେ କଟକରେ ଆଉ କିଛି ମଣ୍ଡପରେ ସକାଳୁ ପୁଣି ଆରମ୍ଭ ଭସାଣ ଉତ୍ସବ ଆରମ୍ଭ ହୋଇଯାଇଛି। ଆଜି ବାଲିକୁଦା, ନଖରା, ଗୋପାଳପୁର, ପାଇକସାହି, ପ୍ରତାପ ନଗରୀ ଅଞ୍ଚଳର ମେଢ ଗୁଡିକୁ କାଠଯୋଡି ନଦୀର ମୁକାମେଶ୍ଵରରେ ବିସର୍ଜନ କରାଯାଉଛି। ସେପଟେ ଚଳିତ ବର୍ଷ ଭୁବନେଶ୍ଵରରେ ୧୮୩ରୁ ଅଧିକ ମେଢ ହୋଇଥିଲା। ସହିଦ ନଗର ଭସାଣି ଉତ୍ସବରେ ୨୦ରୁ ଅଧିକ ମେଢ ଯୋଗଦେଇଥିବାବେଳେ ନୂଆପଲ୍ଲୀ ଭସାଣି ଉତ୍ସବକୁ ୧୫ରୁ ଅଧିକ ମେଢ ଆସିଥିଲେ। ଭସାଣି ଉତ୍ସବରେ ଜନପଥ ପ୍ରକମ୍ପିତ ହୋଇଥିଲା। ସୁରକ୍ଷା ପାଇଁ ପୁଲିସ୍ ପକ୍ଷରୁ ୩ଟି ଜୋନ୍ କରାଯାଇଥିବାବେଳେ କଟକ ରୋଡ୍, ଜନପଥ , ନୂଆପଲ୍ଲୀ ଏବଂ ଜାତୀୟ ରାଜପଥରେ ଟ୍ରାଫିକ୍ କଟକଣା ଲାଗୁ କରାଯାଇଥିଲା। ପ୍ରତ୍ୟେକ ନଦୀ ଘାଟରେ ପୁଲିସ୍ ଫୋର୍ସ ମୁତୟନ ହୋଇଥିଲେ। ତେବେ ଏସବୁ ଭିତରେ ମାଆ ଧରାପୃଷ୍ଠରୁ ଭକ୍ତଙ୍କ ଗ୍ରହଣରୁ ବିଦାୟ ନେଇଥିଲେ।
Popular Categories
Previous article
Next article