ଶ୍ରୀଜେଶ ମୁଖ୍ୟ ପ୍ରଶିକ୍ଷକ, ଓଡ଼ିଶାରୁ ୩ ଜଣ
ସୁଲତାନ ଅଫ୍ ଜୋହର କପ୍ କନିଷ୍ଠ ହକି ପାଇଁ ଭାରତୀୟ ଦଳ ଘୋଷିତ
ନୂଆଦିଲ୍ଲୀ,: ଜାପାନରେ ଚଳିତ ଅକ୍ଟୋବର ୧୯ରୁ ସୁଲତାନ ଜୋହର କପ୍ ୨୧ ବର୍ଷରୁ କମ୍ ଜୁନିୟର ପୁରୁଷ ହକି ଲାଗି ହକି ଇଣ୍ଡିଆ ପକ୍ଷରୁ ରବିବାର ୧୮ଜଣିଆ ଭାରତୀୟ ଦଳ ମନୋନୟନ କରାଯାଇଛି। ପ୍ୟାରିସ ଅଲିମ୍ପିକ୍ସ ପରେ ଅନ୍ତର୍ଜାତୀୟ ହକିରୁ ଅବସର ଘୋଷଣା କରିଥିବା ପୂର୍ବତନ ଗୋଲରକ୍ଷକ ପି.ଆର ଶ୍ରୀଜେଶଙ୍କୁ ଦଳର ମୁଖ୍ୟ ପ୍ରଶିକ୍ଷକ ନିଯୁକ୍ତ କରାଯାଇଛି। ଶ୍ରୀଜେଶଙ୍କ ପ୍ରଶିକ୍ଷଣରେ ଭାରତ ପ୍ରଥମ ଥର ପାଇଁ ଅନ୍ତର୍ଜାତୀୟ ହକି ପ୍ରତିଯୋଗିତା ଖେଳିବାକୁ ଯାଉଛି। ଡିଫେଣ୍ଡର ଅମୀର ଅଲ୍ଲୀ ଦଳର ଅଧିନାୟକ ନିଯୁକ୍ତ ହୋଇଛନ୍ତି। ଦଳରେ ୩ ଓଡ଼ିଆ ଖେଳାଳି ଅନ୍ମୋଲ ଏକ୍କା, ରୋଶନ କୁଜୁର, ମୁକେଶ ଟପ୍ପୋ ସ୍ଥାନ ପାଇଛନ୍ତି। ପ୍ରତିଯୋଗିତାରେ ଆୟୋଜକ ଜାପାନ ସହ ଭାରତ, ଗ୍ରେଟ୍ ବ୍ରିଟେନ, ମାଲେସିଆ, ଅଷ୍ଟ୍ରେଲିଆ ଓ ନ୍ୟୁଜିଲାଣ୍ଡ ଦଳ ଅଂଶଗ୍ରହଣ କରିବେ। ପ୍ରତିଯୋଗିତା ରାଉଣ୍ଡରବିନ ଲିଗ୍ ଭିତ୍ତିରେ ଖେଳାଯିବ। ଶ୍ରେଷ୍ଠ ଦୁଇ ଦଳ ଫାଇନାଲକୁ ଉନ୍ନୀତ ହେବେ।
ଭାରତୀୟ କନିଷ୍ଠ ହକି ଦଳ
ବିକ୍ରମଜିତ ସିଂହ, ଅଲ୍ଲୀ ଖାଁ (ଉଭେୟ ଗୋଲ୍ ରକ୍ଷକ), ଆମିର ଅଲୀ (ଅଧିନାୟକ), ତାଲିମ ପ୍ରିୟବ୍ରତ, ଶ୍ରଦ୍ଧାନନ୍ଦ ତିୱାରୀ, ସୁଖବିନ୍ଦର, ଅନମୋଲ ଏକ୍କା, ରୋହିତ (ଉପଅଧିନାୟକ) (ସମସ୍ତେ ଡିଫେଣ୍ଡର), ଅଙ୍କିତ ପାଲ, ମନମିତ ସିଂହ, ରୋଶନ କୁଜୁର, ମୁକେଶ ଟପ୍ପୋ, ଚନ୍ଦନ ଯାଦବ (ସମସ୍ତେ ମିଡ୍ଫିଲଡର), ଗୁର୍ଜ୍ୟୋତ ସିଂହ, ଅର୍ଶଦୀପ୍ ସିଂହ, ସୌରଭ ଆନନ୍ଦ ଖୁସୱା, ଦିଲ୍ରାଜ ସିଂହ, ମହମ୍ମଦ କୋନାୟନ ଦାଦ୍ (ସମସ୍ତେ ଫରୱାର୍ଡ)।
Comments are closed.