ଭୁବନେଶ୍ୱର : ମନମୋହନଙ୍କ ସରକାର ସମୟରେ ପେଟ୍ରୋଲିୟମ ଜାତ ତୈଳ ଦଳକୁ ସରକାରୀ ନିୟନ୍ତ୍ରଣରୁ ମୁକ୍ତ କରି ବଜାର ସମ୍ବନ୍ଧିତ କରି ଦିଆଗଲା। ଅର୍ଥାତ୍ ଆନ୍ତର୍ଜାତିକ ସ୍ତରରେ ଅଶୋଧିତ ତୈଳ ମୂଲ୍ୟ ପରିବର୍ତ୍ତନ ହେଲେ ଆମ ଦେଶରେ ମଧ୍ୟ ତୈଳ ବିଶୋଧନାଗାର ଅନୁଷ୍ଠାନ ବା କମ୍ପାନୀମାନେ ବିଶୋଧିତ ତୈଳ ମୂଲ୍ୟକୁ କମ୍ /ବେଶି କରୁଥିଲେ। ଏହା ଜନ ସାଧାରଣ ଉପକୃତ ହେଉଥିଲେ।
ମାତ୍ର ଦେଶଭକ୍ତ ଦଳ ଭାବରେ ପ୍ରଚାର କରି ଶାସନକୁ ଆସି ମୋଦୀଙ୍କ ସରକାର ବୋଧହୁଏ ଦେଶବାସୀଙ୍କ ବିଷୟ ଭୁଲି ଗଲେ। ପ୍ରାୟ ଦଶ ବର୍ଷ ଧରି ବହୁତ ଅର୍ଥ ଦଣ୍ଡ ସରକାରଙ୍କୁ ପ୍ରତ୍ୟକ୍ଷ ଏବଂ ପରୋକ୍ଷରେ ଜନତା ଜନାର୍ଦ୍ଦନ ଦେଇସାରିଛନ୍ତି। ଏବେ ବୋଧହୁଏ ଗତ ସଂସଦ ନିର୍ବାଚନ ଫଳକୁ ଦେଖି ଏବଂ ଆଗକୁ ଥିବା ରାଜ୍ୟଗୁଡ଼ିକର ନିର୍ବାଚନକୁ ଆଶା ରଖି ମୂଲ୍ୟ ସାମାନ୍ୟ କମ୍ କରାଯାଇଛି। ଦେଶବାସୀଙ୍କୁ ଶୋଷଣ କରି ଦେଶର ସମ୍ବଳ ବୃଦ୍ଧି କରିବା ବିଜ୍ଞତାର ପରିଚାୟକ ନୁହେଁ। ଦେଶବାସୀଙ୍କ ସହନଶୀଳତାର ପରୀକ୍ଷା ନକରି ପ୍ରତ୍ୟେକ ଦଳର ସରକାର ସମସ୍ତ ଜନସାଧାରଣଙ୍କ ମଙ୍ଗଳ ପାଇଁ କାର୍ଯ୍ୟ କରିବା ଉଚିତ।
Comments are closed.