ଡେସ୍କ: ସହରାଂଚଳ ପରିଚାଳନା କେନ୍ଦ୍ର ବୈଷୟିକ ସହାୟତାରେ ଓଡ଼ିଶା ଅର୍ବାନ ଏକାଡେମୀ ପକ୍ଷରୁ ଜଳସାଥୀଙ୍କ ପାଇଁ ଦୁଇ ଦିନିଆ ଦକ୍ଷତା ଉନ୍ନତୀକରଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଓଡ଼ିଶାର ସହରାଞ୍ଚଳରେ ଜଳ ସେବାର ଦକ୍ଷ ଏବଂ ସ୍ଥାୟୀ ପରିଚାଳନା ସୁନିଶ୍ଚିତ କରିବା ପାଇଁ ଜଳସାଥୀଙ୍କୁ ଉନ୍ନତ ଦକ୍ଷତା ଏବଂ ଜ୍ଞାନ ସହିତ ସଶକ୍ତ କରିବା ଏହି କାର୍ଯ୍ୟକ୍ରମର ଲକ୍ଷ୍ୟ।
ଗୃହ ନିର୍ମାଣ ଓ ନଗର ଉନ୍ନୟନ ବିଭାଗର ପ୍ରମୁଖ ଶାସନ ସଚିବ ଉଷା ପାଢ଼ୀ ୨ ଦିନିଆ ପ୍ରଶିକ୍ଷଣରେ ଭାଗ ନେଇଥିବା ଜଳସାଥୀ ପ୍ରଶିକ୍ଷଣର୍ଥୀଙ୍କ ସହ ଆଲୋଚନା କରିଥିଲେ। ଶ୍ରୀମତୀ ପାଢ଼ୀ ତାଙ୍କ ବାର୍ତ୍ତାଳାପ ସମୟରେ ଜଳସାଥୀଙ୍କ ଗୋଷ୍ଠୀ ଭିତ୍ତିକ ଜଳ ପରିଚାଳନାରେ ଗୁରୁତ୍ୱପୂର୍ଣ୍ଣ ଭୂମିକା ଉପରେ ଆଲୋକପାତ କରିବା ସହ ସେମାନଙ୍କ ସମର୍ପଣକୁ ପ୍ରଶଂସା କରିଥିଲେ। ସହରାଞ୍ଚଳ ଜଳ ପ୍ରଶାସନର ବଢୁଥିବା ଚାହିଦାକୁ ପୂରଣ କରିବା ଏବଂ ଜନସାଧାରଣଙ୍କୁ ଗୁଣାତ୍ମକ ସେବା ଯୋଗାଇବା ପାଇଁ ନିରନ୍ତର ଦକ୍ଷତା ବୃଦ୍ଧି ଉପରେ ସେ ଗୁରୁତ୍ୱାରୋପ କରିଥିଲେ।
ଜଳସାଥି ହେଉଛି ପ୍ରଶାସନ ଓ ସମ୍ପ୍ରଦାୟ ମଧ୍ୟରେ ସେତୁ। ସେମାନଙ୍କୁ ସଠିକ୍ କୌଶଳରେ ସଜ୍ଜିତ କରି ଆମେ ଏକ ସୁଦୃଢ଼ ଜଳ ପରିଚାଳନା ବ୍ୟବସ୍ଥା ସୁନିଶ୍ଚିତ କରୁଛୁ ଯାହା ଉଭୟ ଦକ୍ଷ ଏବଂ ସ୍ଥାୟୀ ବୋଲି ଶ୍ରୀମତୀ ପାଢ଼ୀ କହିଛନ୍ତି। ଏହି କାର୍ଯ୍ୟକ୍ରମର ଭରପୂର ଫାଇଦା ଉଠାଇ ରାଜ୍ୟର ଅନ୍ତର୍ଭୁକ୍ତ ଓ ଭରସାଯୋଗ୍ୟ ଜଳ ସେବା ମିଶନରେ ପ୍ରଭାବଶାଳୀ ଯୋଗଦାନ କରିବାକୁ ସେ ପ୍ରଶିକ୍ଷାର୍ଥୀମାନଙ୍କୁ ଉତ୍ସାହିତ କରିଥିଲେ।
Comments are closed.