ଭୁବନେଶ୍ବର : ରଙ୍ଗୋଲି ଓଡ଼ିଆ ବ୍ୟାନର ବାବୁ ବାବୁଙ୍କ ନିର୍ଦ୍ଦେଶନାରେ ରିଲିଜ ହେଲା ମ୍ୟୁଜିକ୍ ଭିଡିଓ “ଦିଲ ସାରାରା ରା” । ରିଲିଜ ସମୟରେ ମୁଖ୍ୟ ଅତିଥି ଭାବେ ପ୍ରଯୋଜକ ପ୍ରଣୟ ଜେଠୀ ଓ ସମାଜସେବୀ ବୁଲନ୍ ଭାଇ ପ୍ରଯୋଜକ, ନିର୍ଦ୍ଦେଶକ ଓ କଳାକାର ମାନେ ଉପସ୍ଥିତ ରହି ସିଡି ଉନ୍ମୋଚନ କରିଥିଲେ । ଏହି ମ୍ୟୁଜିକ୍ ଭିଡିଓରେ ଟିଭି ସିରିୟଲର ଚର୍ଚ୍ଚିତ ଯୋଡ଼ି ଅଭିନେତା ଦେବ ଓ ଅଭିନେତ୍ରୀ ଆସୀମାଙ୍କ ଚାମତ୍କର ଅଭିନୟ ଦେଖିବାକୁ ମିଳିଛି। ଏହି ମ୍ୟୁଜିକ୍ ଭିଡିଓର ସୁଧାଂଶୁ ଶେଖର ପ୍ରଯୋଜକ ଥିଲା ବେଳେ,ନିର୍ଦ୍ଦେଶନା ଭାର ସମ୍ଭାଳିଛନ୍ତି ନିର୍ଦ୍ଦେଶକ ବାବୁ ବାବୁ । କୋରିଓଗ୍ରାଫି କରିଛନ୍ତି ଡି ଦୀପକ୍ । ରୁଦ୍ରପ୍ରସାଦ ନାୟକ ଏହି ଗୀତରେ ସଙ୍ଗୀତ ନିର୍ଦ୍ଦେଶନା ଦେଇଥିବାବେଳେ , ହ୍ୟୁମାନ ସାଗର ଓ ଶୀତଲ୍ କଣ୍ଠଦାନ କରିଛନ୍ତି । ଗୀତଟିକୁ ଲେଖିଛନ୍ତି ସୈମ୍ୟ ରଞ୍ଜନ ବଳ । ଓଡ଼ିଶାର ବିଭିନ୍ନ ସୁନ୍ଦର ସୁନ୍ଦର ପର୍ଯ୍ୟଟନସ୍ଥଳୀରେ ଏହି ରୋମାଣ୍ଟିକ ମ୍ୟୁଜିକ୍ ଭିଡିଓ ସୁଟିଂ ହୋଇଛି । ରଙ୍ଗୋଲି ଓଡ଼ିଆ ବ୍ୟାନରରେ ଆଗରୁ ଅନେକ ଭଲ ଭଲ ଭିଡିଓ ଗୁଡ଼ିକ ଟ୍ରେଣ୍ଡରେ ଥିବାବେଳେ ଏହି “ଦିଲ୍ ସାରାରା ରା” ମିୟୁଜିକ ଭିଡିଓଟି ନିଶ୍ଚୟ ଦର୍ଶକଙ୍କ ହୃଦୟକୁ ଛୁଇଁଵ ବୋଲି କହିଛନ୍ତି ନିର୍ଦ୍ଦେଶକ ବାବୁ ବାବୁ ।
Comments are closed.