କଟକ: ରୋଟାରୀ କ୍ଲବ କଟକ ମହାନଦୀ ପକ୍ଷରୁ ଦୋଳମୁଣ୍ଡାଇ ସ୍ଥିତ ଶ୍ରୀଜଗନ୍ନାଥ ହୋଟେଲରେ ଆୟୋଜିତ ଏକ ଉତ୍ସବରେ ଶିକ୍ଷକମାନଙ୍କୁ ରାଷ୍ଟ୍ର ନିର୍ମାତା ପୁରସ୍କାରରେ ସମ୍ମାନୀତ କରାଯାଇଥିଲା। ପ୍ରତି ବର୍ଷ ସେପ୍ଟେମ୍ବର ମାସରେ ରୋଟାରୀ କ୍ଲବ ପକ୍ଷରୁ ବିଦ୍ୟାଳୟର ଶିକ୍ଷକ ଓ ଶିକ୍ଷୟତ୍ରୀମାନଙ୍କୁ ସମ୍ମାନୀତ ଓ ସମ୍ବର୍ଦ୍ଧିତ କରାଯାଇଥାଏ। ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଓ ସମ୍ମାନୀତ ଅତିଥି ଭାବରେ ଯଥାକ୍ରମେ ବିଶିଷ୍ଟ ଶିକ୍ଷାବିତ୍ ଡଃ ସତ୍ୟକାମ ମିଶ୍ର ଓ ରେଭେନ୍ସା ମହାବିଦ୍ୟାଳୟର ଅଧ୍ୟାପକ ଡଃ ଜ୍ଞାନୀ ଦେବାଶିଷ ମିଶ୍ର ଯୋଗ ଦେଇଥିଲେ। କ୍ଲବର ଆସିଷ୍ଟାଣ୍ଟ ଗଭର୍ଣ୍ଣର ଡଃ ମୀରା ପୃଷ୍ଟି ମଧ୍ୟ ଏହି ଉତ୍ସବରେ ଯୋଗ ଦେଇଥିଲେ। ଏଥିରେ ସଭାପତିତ୍ଵ କରିଥିଲେ କ୍ଲବର ସଭାପତି ରୋଟାରୀଆନ୍ ସି. କେ. ଭାଗ୍ୟଶ୍ରୀ ଓ ସଂପାଦକୀୟ ବିବରଣୀ ପାଠ କରିଥିଲେ ସମ୍ପାଦକ ରୋଟାରୀଆନ୍ ମହେନ୍ଦ୍ର ଦାସ। ଚଳିତ ବର୍ଷର ପୁରସ୍କୃତ ଶିକ୍ଷୟତ୍ରୀମାନେ ହେଲେ କ୍ରିଷ୍ଣାରାଣୀ ଦେ, ରୀନା ପଟ୍ଟନାୟକ, ରଞ୍ଜିତା ପ୍ରଧାନ, ସଂଘମିତ୍ରା ପାଢ଼ୀ ଓ ସୁନୀତା ତ୍ରିପାଠୀ। ଏହି ଉତ୍ସବରେ ଅନେକ ରୋଟାରୀଆନ୍ ଓ ମାନ୍ୟଗଣ୍ୟ ବ୍ୟକ୍ତିମାନେ ଯୋଗ ଦେଇଥିଲେ। ଉତ୍ସବକୁ ପରିଚାଳନା କରିଥିଲେ ରୋଟାରୀଆନ୍ ସୁଜାତା ମହାପାତ୍ର, ନଟବର ପଣ୍ଡା, ରାଜଲକ୍ଷ୍ମୀ ପାତ୍ର , ସରୀତା ମିଶ୍ର, ଅଙ୍କିତ୍ ଭୁତ୍, ଆରତୀ ଗିରି ଓ ସବିତା ପରିଡ଼ା।
Popular Categories
Previous article
Next article