ନୂଆଦିଲ୍ଲୀ : ବିଳାସପୂର୍ଣ୍ଣ କାର୍ ନିର୍ମାତା କମ୍ପାନୀ ମର୍ସିଡିଜ୍ ଭାରତରେ ପ୍ରଥମ ଇଲେକ୍ଟ୍ରିକ୍ ମେବ୍ୟାକର ବଜାର ପ୍ରବେଶ କରିଦେଇଛି । କମ୍ପାନୀ ମେବ୍ୟାକ୍ ଇକ୍ୟୁଏସ୍ ୬୮୦ ଏସୟୁଭି ଆଜି ଭାରତୀୟ ବଜାରରେ ଲଞ୍ଚ୍ କରିଦେଇଛି । ଏହି କାର୍ ପ୍ରଥମ ମେବ୍ୟାକ୍ ଇଲେକ୍ଟ୍ରିକ୍ କାର, ଯାହା ଭାରତୀୟ ବଜାରକୁ ଆସିଛି । ଏହି କାରର ଦାମ୍ ୨.୨୫ କୋଟି ଟଙ୍କା । ଏଥିରେ ୧୨୨ କେଡବ୍ଲୁଏଚର ବ୍ୟାଟେରୀ ପ୍ୟାକ୍ ମିଳିଥାଏ ଯାହା୬୧୧ କିଲୋମିଟରର ରେଞ୍ଜ ପ୍ରଦାନ କରିଥାଏ । ଏଥିରେ ମାତ୍ର ୪.୪ ସେକେଣ୍ଡରେ ଶୂନ୍ୟରୁ ୧୦୦ କିଲୋମିଟର ପ୍ରତି ଘଣ୍ଟା ସ୍ପିଡ୍ ଯାତ୍ରା କରିହେବ ।
ଏଥିରେ ୧୧ ଏୟାରବ୍ୟାଗ୍ସ ମିଳେ । ଫାଷ୍ଟ ଚାର୍ଜରରେ ମାତ୍ର ୨୦ ମିନିଟରେ ଏହାକୁ ଚାର୍ଜ କଲେ ୩୦୦ କି.ମି. ଯାତ୍ରା କରିହେବ । ଏହା ବ୍ୟତୀତ ଏହି କାରକୁ ରିମୋଟରେ ପାର୍କ କରିହେବ । କାରରେ ଥିବା ମୋଟର ୬୫୮ ବିଏଚପିର ସର୍ବାଧିକ ପାଓ୍ବର ଏବଂ ୯୫୦ ନ୍ୟୁଟନ ମିଟରର ସର୍ବାଧିକ ଟର୍କ ଜେନେରେଟ୍ କରିଥାଏ । ଏଥିରେ ୪୪୦ ଲିଟରର ବୁଟସ୍ପେଶ୍ ମିଳିଥାଏ । ଉତ୍ତମ ସାଉଣ୍ଡ ପାଇଁ କାରରେ ୧୫ ସ୍ପିକର ମିଳୁଛି । ଗ୍ରାହକ ଏହାକୁ ନିକଟସ୍ଥ ମର୍ସିଡିଜ୍ ଶୋରୁମରୁ କ୍ରୟ କରିପାରିବେ ।
