ଲକ୍ଷ୍ନୌ : ଉତ୍ତର ପ୍ରଦେଶର ମୁଜଫରନଗରରେ ଏକ ମାମଲା ସାମ୍ନାକୁ ଆସିଛି ଯାହା ସମସ୍ତଙ୍କୁ ଚକିତ କରୁଛି । ଜଣେ ଯୁବକଙ୍କ ଘରେ ଅଚାନକ ଜିଏସଟି ବିଭାଗର କର୍ମଚାରୀ ପହଞ୍ଚିଲେ । ଏହା ପରେ ଯୁବକ ଜାଣିବାକୁ ପାଇଲେ ଯେ ତାଙ୍କ ନାଁରେ ଏକ କମ୍ପାନୀ ଚାଲିଛି ଏବଂ ୨୫୦ କୋଟି ଟଙ୍କାର ଜିଏସଟି ଇ ଓ୍ବେ ପୈଠ ନେଣଦେଣ ହୋଇଛି । ଏହା ଶୁଣି ଯୁବକଙ୍କୁ ପାଦ ତଳୁ ମାଟି ଖସିଯାଇଛି । ଖାଲି ତାଙ୍କ ପରିବାରରେ ନୁହେଁ, ସାରା ଅଞ୍ଚଳରେ ଏମିତି ଖବର ଏବେ ଚର୍ଚ୍ଚାର ବିଷୟ ପାଲଟିଛି ।
ରତନପୁରୀ ଥାନା ଅଞ୍ଚଳରେ ବଡସୁ ଗାଁରେ ରହୁଥିବା ଜଣେ ବେକାରୀ ଯୁବକ ଅଶ୍ବିନୀ କୁମାରଙ୍କୁ କିଛି ଦିନ ପୂର୍ବରୁ ହ୍ବାଟ୍ସଆପରେ ଏକ କଲ୍ ଆସିଥିଲା । କଲରେ ଚାକିରି କଥା କୁହାଯାଇଥିଲା । ଚାକିରି ଆଶାରେ ସେ ମଗାଯାଇଥିବା କାଗଜପତ୍ର ହ୍ବାଟ୍ସଆପରେ ପଠାଇଦେଲେ । ଏହା ସହିତ ତାଙ୍କୁ ୧୭୫୦ ଟଙ୍କା ମଧ୍ୟ ହ୍ବାଟ୍ସଆପରେ ମଗାଯାଇଥିଲା । ସବୁଦେବା ପରେ ମଧ୍ୟ ଚାକିରି ମିଳିଲାନି । ଏବେ ତାଙ୍କ ନାଁରେ ଏକ ନକଲି କମ୍ପାନୀ ଏବଂ ବ୍ୟାଙ୍କ ଆକାଉଣ୍ଟ ଖୋଲି ପ୍ରାୟ ୨୫୦ କୋଟି ଟଙ୍କାର ଜିଏସଟିର ଇ-ଓ୍ବେ ବିଲିଂ ଠକେଇ କରାଯାଇଛି । ଅଧିକାରୀଙ୍କ କହିବାନୁସାରେ ଜିଏସଟି ବିଭାଗ ସହିତ ମିଶି ଏହି ମାମଲାରେ ଆଗାମୀ କାର୍ଯ୍ୟାନୁଷ୍ଠାନ କରାଯାଉଛି ।
Comments are closed.