ପିପିଲି: ଭୁବନେଶ୍ୱର-ପୁରୀ ଜାତୀୟ ରାଜପଥ ପିପିଲି ବାଇପାସ ରାସ୍ତାର ତେଇସିମାଇଲ ଛକ ଓ ଦାଣ୍ଡମୁକୁନ୍ଦପୁର ମଧ୍ୟବର୍ତ୍ତି ଅଞ୍ଚଳରୁ ଜଣେ ଅଚିହ୍ନା ଯୁବକଙ୍କ ମୃତଦେହକୁ ପୁଲିସ ଗୁରୁବାର ଜବତ କରିଛି। ରାସ୍ତାର ଡିଭାଇଡର ମଝିରେ ଉଲଗ୍ନ ଅବସ୍ଥାରେ ମୃତଦେହ ପଡିଥିବା ବେଳେ ପାଖରେ ଏକ ଗାମୁଛା ପଡିଥିବା ପରିଲକ୍ଷିତ ହୋଇଥିଲା। ଖବର ପାଇ ପିପିଲି ପୁଲିସ ସେଠାରେ ପହଞ୍ôଚ ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ପୁରୀ ପଠାଇଛି।
ଏ ସଂପର୍କରେ ଏକ ଅପମୃତ୍ୟୁ ମାମଲା ରୁଜୁ କରି ପୁଲିସ ଘଟଣାର ତଦନ୍ତ ଚଳାଇଛି। ମୃତକଙ୍କ ଆନୁମାନିକ ବୟସ ୩୦ରୁ ୩୫ ମଧ୍ୟରେ ହୋଇଥିବା ବେଳେ ତାଙ୍କ ମୁଁହରେ ଦାଢି ଥିବା ପରିଲକ୍ଷିତ ହୋଇଥିଲା। ସେ ଜଣେ ମାନସିକ ବିକୃତ ଯୁବକ ହୋଇଥିବା ଅନୁମାନ କରାଯାଉଛି। କୌଣସି ଅଜଣା ଗାଡି ଧକ୍କାରେ ତାଙ୍କ ମୃତ୍ୟୁ ଘଟିଥିବା ପୁଲିସ ଅନୁମାନ କରୁଛି।
