ଡେସ୍କ: ଆସନ୍ତା ସ୍ୱାଧୀନତା ଦିବସରେ ଭାରତୀୟ ମହାକାଶ ଗବେଷଣା ସଂସ୍ଥା-ଇସ୍ରୋ ଏସଏସଏଲଭି ଜରିଆରେ ପୃଥିବୀ ପର୍ଯ୍ୟବେକ୍ଷଣ ଉପଗ୍ରହ ଉତକ୍ଷେପଣ କରିବ। ମହାକାଶକୁ ପୃଥିବୀ ପର୍ଯ୍ୟବେକ୍ଷଣ ଉପଗ୍ରହ ଉତକ୍ଷେପଣ କରି ଇସ୍ରୋ ସ୍ୱାଧୀନତା ଦିବସ ପାଳନ କରିବ। ଅଗଷ୍ଟ ୧୫ ତାରିଖ ସକାଳ ୯ଟା ୧୭ମିନିଟରେ ଶ୍ରୀହରିକୋଟାରୁ ଉପଗ୍ରହ ଉତକ୍ଷେପଣ ପାଇଁ ଏହି କ୍ଷୁଦ୍ର ଉପଗ୍ରହ ଉତକ୍ଷେପଣ ଯାନ ବ୍ୟବହାର କରାଯିବ। ଇସ୍ରୋ ଦ୍ୱାରା ବିକଶିତ ଏହି କ୍ଷୁଦ୍ର ଉତକ୍ଷେପଣ ଯାନକୁ କମ୍ ଖର୍ଚ୍ଚରେ ଉତ୍ପାଦନ କରାଯାଇପାରିବ, ଏହାର ପରିବର୍ତ୍ତନ ସମୟ କମ୍, ଏକାଧିକ ମାଇକ୍ରୋ ସାଟେଲାଇଟ୍ ରହିପାରିବ ଏବଂ ସର୍ବନିମ୍ନ ଭିତ୍ତିଭୂମି ଆବଶ୍ୟକତା ସହିତ କମ୍ ସମୟ ମଧ୍ୟରେ ଚାହିଦା ଅନୁଯାୟୀ ଉତକ୍ଷେପଣ କରାଯାଇପାରିବ। ଏହା ୫୦୦ କିଲୋଗ୍ରାମର ଉପଗ୍ରହକୁ ୫୦୦ କିଲୋମିଟର କକ୍ଷପଥକୁ ନେଇ ଯାଇପାରିବ। ପ୍ରଦର୍ଶନ ଉଡ଼ାଣ ସଫଳ ହେବା ପରେ ଏହାକୁ ଉତ୍ପାଦନ ପାଇଁ ଘରୋଇ କ୍ଷେତ୍ରକୁ ହସ୍ତାନ୍ତର କରାଯିବ।
Comments are closed.