ସୁଆଣ୍ଡୋ : ସତ୍ୟବାଦୀ ବ୍ଲକ ସ୍ଥିତ ମିଶନଶକ୍ତି ସଭାଗୃହରେ ଦିବ୍ୟାଙ୍ଗ ଓ ବରିଷ୍ଠ ନାଗରିକମାନଙ୍କ ଆବଶ୍ୟକତା ରହିଥିବା ଉପକରଣ ସଂପର୍କରେ ଚିହ୍ନଟ ଶିବିର ଗୁରୁବାର ଅନୁଷ୍ଠିତ ହୋଇଯାଇଛି । ଏହି ଶିବିରକୁ ପଞ୍ଚାୟତ ସମିତି ଅଧ୍ୟକ୍ଷ ସୁନିଲ କୁମାର ପଣ୍ଡା ଉଦ୍ଘାଟନ କରିଥିଲେ । ଭାରତୀୟ ନ୍ୟାୟ ଓ ସାମାଜିକ ଅଧିକାରିତା ମନ୍ତ୍ରଣାଳୟ ପକ୍ଷରୁ ଏହି କାର୍ଯକ୍ରମ ଆୟୋଜନ କରାଯାଇଥିଲା । ବ୍ଲକର ୨୪ ପଞ୍ଚାୟତରୁ ୪ଶହରୁ ଅଧିକ ଦିବ୍ୟାଙ୍ଗ ଓ ବରିଷ୍ଠ ନାଗରିକମାନେ ଯୋଗଦେଇଥିଲେ । ମନ୍ତ୍ରଣାଳୟ ପକ୍ଷରୁ ଚିହ୍ନଟ ହୋଇଥିବା ବ୍ୟକ୍ତି ମାନଙ୍କୁ ଆଶାବାଡି, ଟ୍ରାଇ ସାଇକେଲ, ଶ୍ରବଣ ଯନ୍ତ୍ର, ବେଟେରି ଚାଳିତ ଯାନ , ହୁଇଲ ଚେୟାର ଆଦି ଯୋଗାଇ ଦିଆଯିବାର ବ୍ୟବସ୍ଥା ରହିଛି । ଭୁବନେଶ୍ୱରର ଆଲମିକୋ ( ଏଏଲଆଇଏମ୍ ସିକୋ ) ପକ୍ଷରୁ ଡା ଗୁରୁଦତ୍ତ ଲେଙ୍କା, ଡା ବିଶ୍ୱରଞ୍ଜନ ପ୍ରୁଷ୍ଟି ଓ ଡା ଜିତେନ୍ଦ୍ର କୁମାର ସାହୁ ଦିବ୍ୟାଙ୍ଗ ଓ ବରିଷ୍ଠଙ୍କୁ ଚିହ୍ନଟ କରିବା ଓ କାଗଜାତ ମାନ ପରୀକ୍ଷା ନୀରିକ୍ଷା କରିଥିଲେ । ବ୍ଲକ ସାମାଜିକ ସୁରକ୍ଷା ଅଧିକାରୀ ମୋନିକା ଦାସ ଓ ସହକର୍ମୀ ଶ୍ରୀଲକ୍ଷ୍ମୀ ବେହେରା ସଂଯୋଜନା କରିଥିଲେ । ପ୍ରଭାତ ଚନ୍ଦ୍ର ସାମନ୍ତରାୟ ଓ ଅଙ୍ଗନବାଡି କର୍ମୀମାନେ ସହଯୋଗ କରିଥିଲେ ।
Popular Categories
Previous article
Next article