ମ.ରାମପୁର: କଳାହାଣ୍ଡି ଜିଲା ମ.ରାମପୁର ବ୍ଲକ ଅନ୍ତର୍ଗତ ମୋହନଗିରି ଗ୍ରାମପଞ୍ଚାୟତ ବିଜାମାଲଠାରୁ ଫଲସାପଡା ଗାଁ ରାସ୍ତା ଟିକିଏ ବର୍ଷା ହେଲେ କାଦୁଅ ହୋଇଯାଉଛି। ଫଳରେ ସେହି ରାସ୍ତା ଦେଇ ଯାଉଥିବା ଲୋକେ ନାହିଁ ନଥିବା ହଇରାଣ ହେଉଥିବା ଦେଖିବାକୁ ମିଳୁଛି। ରାସ୍ତାର ମରାମତି ପାଇଁ ବହୁବାର ଆବେଦନ କଲେ ମଧ୍ୟ କେହି କର୍ଣ୍ଣପାତ କରୁନଥିବା ଗ୍ରାମବାସୀ ଅଭିଯୋଗ କରିଛନ୍ତି। ବର୍ତମାନ ଟିକିଏ ବର୍ଷାରେ ରାସ୍ତା ବେହାଲ ହୋଇପଡିଛି। ବର୍ଷାଦିନ ଆସିଲେ ରାସ୍ତାରେ ଯିବା ଲୋକମାନଙ୍କ ପାଇଁ କଷ୍ଟକର ହୋଇପଡୁଛି। ସେହି ରାସ୍ତାରେ ଚାଲିକି ଗଲେ ଗୋଡ଼ ଖସିବା ସହ ଯାନବାହାନ ଦୁର୍ଘଟଣା ହେବାର ସମ୍ଭାବନା ରହିଛି। ରାସ୍ତା ଦେଇ ସାଇକେଲଟିଏ ମଧ୍ୟ ଯାଇପାରୁନାହିଁ। ପ୍ରତିଦିନ ଏହି ରାସ୍ତା ଦେଇ ହାଜର ହଜାର ସଂଖ୍ୟାରେ ଲୋକ ଯିବା ଆସିବା କରୁଥିବାବେଳେ ରାସ୍ତାଟି ସମ୍ପୂର୍ଣ୍ଣ କାଦୁଅ ହୋଇଥିବାରୁ ଲୋକମାନେ ବହୁ ଅସୁବିଧାର ସମ୍ମୁଖୀନ ହେଉଛନ୍ତି। ଫଲସାପଡା ଗ୍ରାମର ଖଗେଶ୍ୱର ପୁଟା, ଦୁରମାନ ପୁଟା, ଶିବାନ ଭୋଇ, ସହଦେବ ଭୋଇ, ମନରଞ୍ଜନ ମାଝୀ, ଡମ୍ବରୁ ସାହୁ, ଧନେଶ୍ୱର ଧରୁଆ, ଶରତ ପାତ୍ର, ସନ୍ତୋଷ କୁମୁରା, କପିଳ ମାଝୀ, ଗରୁଡ଼ ଧରୁଆ, କୈଳାସ ପୁଟାଙ୍କ ସମେତ ଅନ୍ୟ ଜନସାଧାରଣ ତୁରନ୍ତ ରାସ୍ତାର ମରାମତି କରିବା ପାଇଁ ବ୍ଲକ ପ୍ରଶାସନକୁ ଗୁହାରି ଜଣାଇଛନ୍ତି।
Popular Categories
Previous article
Next article