କେନ୍ଦୁଝରଗଡ଼: ମିଳନୀ ସାହିତ୍ୟ ସଂସଦ ସଭା ଗୃହରେ ରବିବାର ଅପରାହ୍ନରେ କେନ୍ଦୁଝର ଜିଲା ଲେଖିକା ସଂସଦର ମୌସୁମୀ ସାହିତ୍ୟ ଆସର ଅନୁଷ୍ଠିତ ହୋଇଯାଇଛି। ସଂସଦର ଉପାଧ୍ୟକ୍ଷା ମମତାରାଣୀ ଦାସଙ୍କ ସଭାପତିତ୍ୱରେ ସମ୍ପାଦିକା ଇନ୍ଦୁମତୀ ପାତ୍ର ପ୍ରାରମ୍ଭରେ ସମସ୍ତଙ୍କୁ ସ୍ୱାଗତ ଜଣାଇ ବର୍ଷା ଏକ ମୁଗ୍ଧ ଚେତନାର ଅନୁଭବ ଓ ଅନୁପମ କରୁଣାର ପ୍ରତୀକ ବୋଲି ନିଜ ବକ୍ତବ୍ୟରେ କହିଥିଲେ।
ଉପାଧ୍ୟକ୍ଷା ଶ୍ରୀମତୀ ଦାସ ସଭାପତିତ୍ୱ ଅଭିଭାଷଣରେ ବର୍ଷା ହେଉଛି ମଙ୍ଗଳମୟ ଶିବ ଏବଂ ଶୁଭଙ୍କର ବୋଲି କହିଥିଲେ। ଆସରର ଅନ୍ୟତମ ବକ୍ତା ମିନତୀ ମିଶ୍ର ବର୍ଷା ଋତୁର ଅନୁପମ ବିଭବ ସମ୍ପର୍କରେ ଆଲୋଚନା କରିଥିଲେ। ଏହି ଅବସରରେ କବୀ ଶୋଭାନା ଜେନାଙ୍କ ସଂଯୋଜନାରେ ଅନୁଷ୍ଠିତ କବିତା ପାଠୋତ୍ସବରେ ଜ୍ୟୋତ୍ସ୍ନା ପାଢ଼ୀ, ଆର୍ଯ୍ୟବାଳା ମହାପାତ୍ର, ବିଜୟଲକ୍ଷ୍ମୀ ମହାନ୍ତି, ମନ୍ଦାକିନୀ କର, ରତ୍ନମଞ୍ଜରି ରାଉତ, ଗୀତାଞ୍ଜଳୀ ପାତ୍ର, ମିନତୀ ମିଶ୍ର, ସନ୍ତୋଷିନୀ ଗିରି, ଇନ୍ଦୁମତି ପାତ୍ର, ମମତା ରାଣୀ ଦାସ ପ୍ରମୁଖ ସ୍ୱରଚିତ ମୌସୁମୀ କବିତା ପାଠ କରିଥିଲେ। ଶେଷରେ ସାଂସ୍କୃତିକ ସଭ୍ୟା ବିଜୟ ଲକ୍ଷ୍ମୀ ମହାନ୍ତି ଧନ୍ୟବାଦ ଅର୍ପଣ କରିଥିଲେ।
