ଭୁବନେଶ୍ୱର, ଦକ୍ଷତା ଏବଂ ଶିକ୍ଷା ସମିତି ଦ୍ୱାରା ଆୟୋଜିତ ଆଇସିସି ନିଯୁକ୍ତି ମେଳା ୨୦୨୪ର ଦ୍ୱିତୀୟ ଦିନ ଗ୍ରାଣ୍ଡ ଲୁମ୍ବିନି କନଭେନ୍ସନ୍ରେ ଅସାଧାରଣ ସଫଳତା ସହ ଶେଷ ହୋଇଛି। କାର୍ଯ୍ୟକ୍ରମରେ ପ୍ରାୟ ୫୦୦-୧୦୦୦ ଉତ୍ସାହିତ ଚାକିରି ଆଶାୟୀ ପ୍ରାର୍ଥୀମାନେ ଯୋଗଦେଇଥିଲେ ଏବଂ ଗୁରୁତ୍ୱପୂର୍ଣ୍ଣ ଅଧିବେଶନରେ ଅଂଶଗ୍ରହଣ କରିଥିଲେ। ସମାପନ ସମାରୋହରେ ମୁଖ୍ୟ ଅତିଥି ଭାବେ ରାଜ୍ୟ ଅବକାରୀ ଓ ଆଇନ ମନ୍ତ୍ରୀ ପୃଥ୍ୱୀରାଜ ହରିଚନ୍ଦନ ଯୋଗଦେଇ କହିଥିଲେ ଯେ ବର୍ତ୍ତମାନ ସମୟରେ ଚାକିରୀ ପାଇବା ଏକ ଚ୍ୟାଲେଞ୍ଜ ସୃଷ୍ଟି ହୋଇଛି। ଏହି ସମୟରେ ଆଇସିସି ପକ୍ଷରୁ ହୋଇଥିବା ଅଭିନବ ପ୍ରୟାସ ସ୍ୱାଗତଯୋଗ୍ୟ। ଏହି ଭଳି ପରିସ୍ଥିତିରେ ୧୦୦୦ରୁ ଉର୍ଦ୍ଧ ଯୁବକଯୁବତୀମାନଙ୍କ ପାଇଁ ଚାକିରୀ ସୃଷ୍ଟି କରିବା ନିଶ୍ଚିତ ଭାବରେ ଏକ ସୁନ୍ଦର ପ୍ରୟାସ। ଏହି ଉଦ୍ୟମ ପାଇଁ ରାଜ୍ୟ ସରକାରଙ୍କ ତରଫରୁ ମୁଁ ଧନ୍ୟବାଦ ଜଣାଉଛି।
ଆଶା କରୁଛି ଏହି ପ୍ରୟାସ ଆଗାମୀ ଦିନରେ ଜାରି ରହିବ। ଦକ୍ଷତା ବିକାଶ ନିମନ୍ତେ ରାଜ୍ୟ ସରକାରଙ୍କ ତରଫରୁ ଉଦ୍ୟମ ଜାରି ରହିଛି। କିନ୍ତୁ ବିଭିନ୍ନ ବିଭାଗରେ କାମ କରିବା ସମୟରେ ନିର୍ଦ୍ଦିଷ୍ଟ ସୂତା ଭିତରେ ବାନ୍ଧି ହୋଇକି ଥାଏ। କିନ୍ତୁ ଆଇସିସି ପାଖରେ ସେ ବାଧା ବନ୍ଧନ ନାହିଁ। ଶିଳ୍ପରେ ନିଯୁକ୍ତି ପାଇଁ ଯେଉଁ ଆବଶ୍ୟକତା ରହିଛି ଆଇସିସି ପାଖରେ ସେ ବାଧା ବନ୍ଧନ ନାହିଁ। ସେମାନେ ଏହାକୁ ନେଇ ଆଗକୁ ବଢ଼ିଲେ ବିକଶିତ ଭାରତ ବିକଶିତ ଓଡିଶା ପାଇଁ ଆମେ ସଫଳ ହୋଇପାରିବା। ଇଣ୍ଡିଆନ ବ୍ୟାଙ୍କ, ଭୁବନେଶ୍ୱରର ମୁଖ୍ୟ ପ୍ରବନ୍ଧକ ଏମ୍ ଅରୁଣା ଉକ୍ତ ଉତ୍ସବରେ ସମ୍ମାନିତ ଅତିଥି ଭାବେ ଉତ୍ସବର ଶୋଭା ବର୍ଦ୍ଧନ କରିଥିଲେ।
କାର୍ଯ୍ୟକ୍ରମରେ ଆଇସିସି ଓଡିଶା ରାଜ୍ୟ ପରିଷଦ ଅଧ୍ୟକ୍ଷ ଜେବି ପାଣିଙ୍କ ଅଧ୍ୟକ୍ଷତାରେ ଉପ-ଅଧ୍ୟକ୍ଷ ରାଜୀବ ଏସ୍ ସାହୁ, ଆଇସିସି ଦକ୍ଷତା ଶିକ୍ଷା କମିଟି ଆବାହିକା ସିକତା ଦାସ, ଉପଦେଷ୍ଟା ବଦ୍ରି ଏନ୍ ପଟ୍ଟନାୟକ, ଆରକେ ଦାସ ଓ ଆଇସିସି ଆଞ୍ଚଳିକ ନିର୍ଦ୍ଦେଶକ ଜେପି ପାଲ ଉପସ୍ଥିତ ଥିଲେ।
ଦ୍ୱିତୀୟ ଦିନରେ ଦୁଇଟି ମୁଖ୍ୟ ବୈଷୟିକ ଅଧିବେଶନ ଆୟୋଜିତ ହୋଇଥିଲା। ପ୍ରଥମ, “ସଫ୍ଟ ସ୍କିଲ୍ ଏବଂ ଯୋଗାଯୋଗ”, ବୃତ୍ତିଗତ ଜଗତରେ ପ୍ରଭାବୀ ଯୋଗାଯୋଗ ଏବଂ ଅନ୍ତର୍ବ୍ୟକ୍ତିକ ଦକ୍ଷତା ଗୁଡ଼ିକର ଗୁରୁତ୍ୱ ଉପରେ ବିଶେଷ ଆଲୋକପାତ କରାଯାଇଥିଲା। ଦ୍ୱିତୀୟ ଅଧିବେଶନ ବ୍ୟବହାର ସାକ୍ଷାତ୍କାର କୌଶଳ ପ୍ରାର୍ଥୀମାନଙ୍କୁ ବ୍ୟବହାର ସାକ୍ଷାତ୍କାରରେ କିପରି ସଫଳ ହେବା ସେ ଦିଗରେ ସାହାଯ୍ୟ କରିଥିଲା।
ଦ୍ୱିତୀୟ ଦିନର ଏକ ମୁଖ୍ୟ ଆକର୍ଷଣ ଥିଲା “ଇନସାଇଡ଼୍ର ଟିପ୍ସ ଫ୍ରମ ରିକ୍ରୁଟର” ନାମକ ପ୍ୟାନେଲ୍ ଆଲୋଚନା। ଆଦିତ୍ୟ ବିର୍ଲା ଗ୍ରୁପ୍, ନାଲସାର ବିଶ୍ୱବିଦ୍ୟାଳୟ, ସିଏସ୍ଏମ୍ ଟେକ୍ନୋଲୋଜିଜ୍, ବି ଏମ୍ ପି ଏସ୍ ତକ୍ଷଶିଲା ସ୍କୁଲ୍, ପିପଲ୍ ବେଟର, ଏମ୍ ବି ସି ଟିଭି, ଏବଂ ବିର୍ଲା ଗ୍ଳୋବାଲ୍ ବିଶ୍ୱବିଦ୍ୟାଳୟର ବରିଷ୍ଟ ଅଧ୍ୟାପକମାନେ ନିଯୁକ୍ତି ପ୍ରକ୍ରିୟା ଏବଂ ନିଯୁକ୍ତି କର୍ତ୍ତାମାନେ ପ୍ରାର୍ଥୀମାନଙ୍କରେ କଣ ଦେଖନ୍ତି, ଏହା ଉପରେ ଗୁରୁତ୍ୱ ପ୍ରଦାନ କରିଥିଲେ।
ଅଂଶଗ୍ରହଣକାରୀ କମ୍ପାନୀମାନେ ହେଉଛନ୍ତି ଆଇ କନ୍ସଲଟିଂ, ଲାଲ୍ କିଲା, ହୋଟେଲ୍ ପାଲ୍ ହାଇଟ୍ସ, ସେଣ୍ଟ୍ରାଲ କିଆ, କଳିଙ୍ଗ ଅଟୋମୋବାଇଲ୍ସ, ଖିମଜି, ଡ୍ରିମ୍ସ ବିଶ୍ୱବିଦ୍ୟାଳୟ, ଏଚ୍ଡି଼ଏଫ୍ସି, ପ୍ରଶାନ୍ତି ହସ୍ପିଟାଲ୍, କାର୍ସିନୋଭା, ସୁଶ୍ରୁତ ହସ୍ପିଟାଲ୍, ଆଇଟିସି ହୋଟେଲ୍, ଗୁଗ୍ନାନୀ ମୋଟର୍ସ, ସ୍କାନ୍ ଷ୍ଟିଲ୍, ଫିନିକ୍ସ କନସଲଟିଂ, ସ୍ପାର୍କ ଇଣ୍ଡିଆ, ମେ ଫେୟାର ହୋଟେଲ୍, ଦ ୟୁନିକ୍ କଲ୍ଟର୍, ମିଟ୍ସ୍ ଗ୍ରୁପ୍, ନଭ ଦୁର୍ଗା ଗ୍ରୁପ୍, ତୁଶୀ ମୋଟର୍ସ, ଷ୍ଟେଟ୍ ବ୍ୟାଙ୍କ ଅଫ୍ ଇଣ୍ଡିଆ, ଇଭୋସ୍ ବିଲ୍ଡକନ୍, ଫାଲକନ୍, କଳିଙ୍ଗ ହସ୍ପିଟାଲ୍ସ, ଅଶ୍ୱିନୀ ହେଲଥ୍ କେୟାର୍, ଆପୋଲୋ, ଇଫକୋ, କାନାରା ବ୍ୟାଙ୍କ, ଇଣ୍ଡିଆନ୍ ବ୍ୟାଙ୍କ, ଲାଇଫ୍ ହୋଟେଲ୍, ଏସ୍ଏନ୍ଏମ୍ ଗ୍ରୁପ୍, ଏବଂ ଏସ୍ଏଜେ ଡିଭେଲପର୍ (ଏସଏଜେ ଜେଆରଜି ଭେଞ୍ଚର୍ସ୍ ଏଲଏଲପି)।
ଆଇସିସି ନିଯୁକ୍ତି ମେଳା ୨୦୨୪ ସଫଳତାର ସହିତ ଶେଷ ହୋଇଥିଲା, ଯାହା ନିଯୁକ୍ତି ପ୍ରାର୍ଥୀମାନଙ୍କୁ ଶ୍ରେଷ୍ଠ କମ୍ପାନୀମାନଙ୍କ ସହ ଯୋଗାଯୋଗ କରିବା ପାଇଁ ଏକ ଶକ୍ତିଶାଳୀ ମଞ୍ଚ ପ୍ରଦାନ କରିଥିଲା, ଯାହା କ୍ଷେତ୍ରରେ କାର୍ଯ୍ୟ ସଂଗଠନ ଏବଂ ଆର୍ଥିକ ଉନ୍ନତିର ପାଇଁ ସୁଯୋଗ ତିଆରି କରିଥିଲା।
