ଗୋପାଳପୁର: ଜଣେ ଆଇଟିଆଇ ଦ୍ବିତୀୟ ବର୍ଷର ଛାତ୍ରୀଙ୍କ ଗଳିତ ମୃତଦେହ ପୋଖରୀରୁ ଉଦ୍ଧାର ହୋଇଛି। ଛାତ୍ରୀ ଜଣକ ଗୋପାଳପୁର ଦଳିତ ସାହିର ସ୍ନେହଲତା ନାୟକ ଓରଫ୍ ଗୁଡ୍ଡି(୧୯) ବୋଲି ପୁଲିସ ସୂଚନା ଦେଇଛି। ଗୁଡ୍ଡି ଗତ ଗୁରୁବାରଠାରୁ ନିଖୋଜ ଥିଲେ। ଗୁଡ୍ଡି ଗୋପାଳପୁରରେ ପରିବାର ସହ ରହି ଆସୁଥିବାବେଳେ ରାମଚନ୍ଦ୍ରପୁରଠାରେ ଏକ ଘରୋଇ କଲେଜରେ ଆଇଟିଆଇର ଦ୍ବିତୀୟ ବର୍ଷର ଛାତ୍ରୀ ଥିଲେ। ଗୁରୁବାର ସକାଳେ ବଜାରରୁ ସଉଦା ଆଣିବା ପରେ ସକାଳ ସାଢେ ୯ଟା ପରଠାରୁ ବାହାରକୁ ଚାଲି ଯାଇଥିଲେ। ଅପରାହ୍ନ ପର୍ଯ୍ୟନ୍ତ ଘରକୁ ନ ଫେରିବାରୁ ପରିବାର ବର୍ଗ ଖୋଜାଖୋଜି ଆରମ୍ଭ କରିଥିଲେ। ଶନିବାର ସୁଦ୍ଧା କୌଣସି ଖୋଜ ଖବର ନ ମିଳିବା ସହ ମୋବାଇଲ୍ ବନ୍ଦ ରହିଥିବାରୁ ପରିବାର ପକ୍ଷରୁ ଗୋପାଳପୁର ଥାନାରେ ଲିଖିତ ଅଭିଯୋଗ କରିଥିଲେ। ପୁଲିସ ପକ୍ଷରୁ ନିଖୋଜ ମାମାଲା ରୁଜୁ କରାଯିବା ସହ ତଦନ୍ତ ଜାରି ରହିଥିଲା। ରବିବାର ସକାଳେ ଗୋପାଳପୁରଠାରୁ ୫ କିମି ଦୂର କରାପଲ୍ଲୀଠାରେ ଥିବା ଗୁଡ଼ିକ ଖାଲ ପୋଖରୀରେ ଏକ ଅଜଣା ମୃତଦେହ ଭାସୁଥିବା ନେଇ ଗ୍ରାମବାସୀଙ୍କ ପକ୍ଷରୁ ଭଞ୍ଜବିହାର ଆଉଟ୍ ପୋଷ୍ଟରେ ଖବର ଦେଇଥିଲେ। ଘଟଣା ନେଇ କନିଷି ଅଗ୍ନିଶମ ବିଭାଗଙ୍କୁ ଖବର ଦିଆଯାଇଥିଲା। ଅଗ୍ନିଶମ କର୍ମଚାରୀମାନେ ଘଟଣା ସ୍ଥଳରେ ପହଞ୍ଚି ମୃତଦେହକୁ ପୋଖରୀରୁ ବାହାର କରିବା ସହ ବ୍ରହ୍ମପୁର ବଡ ମେଡିକାଲକୁ ବ୍ୟବଛେଦ ନିମନ୍ତେ ପଠାଇ ଦିଆଯାଇଛି। ପୁଲିସ ଘଟଣାର ତଦନ୍ତ କରୁଛି।
Popular Categories
Previous article
Next article