ହରଭଙ୍ଗା: ହରଭଙ୍ଗା ବ୍ଲକ କୁଶଙ୍ଗ ପଞ୍ଚାୟତ ଅର୍ନ୍ତଗତ କୁମାରୀ ମଧ୍ୟ ଇଂରାଜୀ ସ୍କୁଲ ନିକଟରେ ଦେବକୀ ଦେହୁରୀ ନାମ୍ନୀ ଜଣେ ଅସହାୟ ବୃଦ୍ଧା ବେସାହାରା ଅବସ୍ଥାରେ ବର୍ଷା ସମୟରେ ପାଳଛିଞ୍ଚା କୁଡିଆ ଘରେ ଆଶ୍ରୟ ନେଇଛନ୍ତି। ଦେବକୀଙ୍କ ମାନସିକ ଅବସ୍ଥା ଠିକ୍ ନଥିବାବେଳେ ଦୀର୍ଘଦିନ ହେଲା ସେ ଏହି କୁଡ଼ିଆରେ ଜୀବନ ବିତାଉଥିବା ଜଣାପଡ଼ିଛି। ମାତ୍ର ଗତ ମଙ୍ଗଳବାରଠାରୁ ବ୍ଲକରେ ଅବିଶ୍ରାନ୍ତ ବର୍ଷା ଯୋଗୁଁ ବୃଦ୍ଧା ଜଣକ ଅତି ଦୟନୀୟ ଅବସ୍ଥାରେ ଜୀବନ କାଟୁଥିବା ଦେଖିବାକୁ ମିଳିଛି। ବର୍ଷାରେ ଲୁଗାପଟା ସବୁ ଓଦା ହୋଇଥିବାବେଳେ ବୃଦ୍ଧାଙ୍କ ଏଭଳି ଦୟନୀୟ ଅବସ୍ଥାକୁ ଦେଖିଲେ ଯେ କହି ଆହା କରୁଛି। ତୁରନ୍ତ ବ୍ଲକ ପ୍ରଶାସନ ପକ୍ଷରୁ ଦେବକୀଙ୍କୁ ଜରାଶ୍ରମରେ ଥଇଥାନ କରାଯିବାକୁ ସମାଜସେବୀ ଭିକାରୀ ଚରଣ ବାଈ ଦାବି କରିଛନ୍ତି।
