ସମାଜ ଡିଜିଟାଲ ଡେସ୍କ: ଗୌତମ ଗମ୍ଭୀର ହୋଇଛନ୍ତି ଭାରତୀୟ କ୍ରିକେଟ ଦଳ ମୁଖ୍ୟ ପ୍ରଶିକ୍ଷକ । ଗମ୍ଭୀରଙ୍କୁ ମୁଖ୍ୟ କୋଚ୍ ଭାବେ ନିଯୁକ୍ତି ଦେଇଥିବା ବିସିସିଆଇ ସମ୍ପାଦକ ଜୟ ଶାହା ସୋସିଆଲ ମିଡ଼ିଆ ଆକାଉଣ୍ଟ ଏକ୍ସରେ ଘୋଷଣା କରିଛନ୍ତି । ଜୟ ଶାହା ଲେଖିଛନ୍ତି ଅତ୍ୟନ୍ତ ଆନନ୍ଦର ସହ ଗୌତମ ଗମ୍ଭୀରଙ୍କୁ ଭାରତୀୟ କ୍ରିକେଟ ଦଳର ମୁଖ୍ୟ ପ୍ରଶିକ୍ଷକ ଭାବେ ସ୍ୱାଗତ କରୁଛି । ବର୍ତ୍ତମାନ ଯୁଗରେ କ୍ରିକେଟରେ ବହୁତ ପରିବର୍ତ୍ତନ ହୋଇଛି । ଗମ୍ଭୀର ଏହି ପରିବର୍ତ୍ତନକୁ ଅତି ନିକଟରୁ ଦେଖିଛନ୍ତି । ତାଙ୍କ କ୍ରିକେଟ୍ କ୍ୟାରିୟରରେ ବିଭିନ୍ନ ଭୂମିକା ସଫଳତାର ସହ ନିର୍ବାହ କରିଛନ୍ତି । ମୋ ହିସାବରେ ଭାରତୀୟ କ୍ରିକେଟକୁ ଆଗେଇ ନେବା ପାଇଁ ଗୌତମ ଗମ୍ଭୀର ହିଁ ଉପଯୁକ୍ତ ବ୍ୟକ୍ତି । ଚଳିତ ମାସ ଶ୍ରୀଲଙ୍କା ବିପକ୍ଷରେ ଧଳାବଲ୍ ଶୃଙ୍ଖଳା ସହ ଭାରତୀୟ ଦଳର ମୁଖ୍ୟ ପ୍ରଶିକ୍ଷକ ଭାବେ ଗମ୍ଭୀର କାର୍ଯ୍ୟକାଳ ଆରମ୍ଭ କରିବେ । ତେବେ ଗମ୍ଭୀର କେଉଁ ପର୍ଯ୍ୟନ୍ତ ଦାୟିତ୍ୱରେ ରହିବେ ତାହା ଜୟ ଶାହା ସ୍ପଷ୍ଟ କରିନାହାନ୍ତି । ହେଲେ ତାଙ୍କ କାର୍ଯ୍ୟକାଳ ୨୦୨୭ ଡିସେମ୍ବର ୩୧ ପର୍ଯ୍ୟନ୍ତ ବୋଲି ବିସିସିଆଇ ସୂତ୍ରରୁ ଜଣାପଡିଛି । ମୁଖ୍ୟ ପ୍ରଶିକ୍ଷକ ହେବା ପରେ ଜୟ ଶାହାଙ୍କୁ ଧନ୍ୟବାଦ ଜଣାଇଛନ୍ତି ଗମ୍ଭୀର । ଗମ୍ଭୀର କହିଛନ୍ତି ଯେ ଭାରତ ହେଉଛି ପରିଚୟ ଏବଂ ମୋ ଦେଶର ସେବା କରିବା ମୋ ଜୀବନର ସବୁଠାରୁ ବଡ ସୌଭାଗ୍ୟ । ଏକ ନୂଆ ରୂପରେ ଫେରିବା ଗୌରବମୟ ନିଶ୍ଚିତ । କିନ୍ତୁ ମୋର ଲକ୍ଷ୍ୟ ସର୍ବଦା ସମାନ, ପ୍ରତ୍ୟେକ ଭାରତୀୟଙ୍କୁ ଗର୍ବିତ କରିବା ।
India is my identity and serving my country has been the greatest privilege of my life. I’m honoured to be back, albeit wearing a different hat. But my goal is the same as it has always been, to make every Indian proud. The men in blue shoulder the dreams of 1.4 billion Indians… pic.twitter.com/N5YyyrhXAI
— Gautam Gambhir (@GautamGambhir) July 9, 2024
ଟି-୨୦ ବିଶ୍ୱକପରେ ଭାରତର ବିଜୟ ସହ ରାହୁଲ ଦ୍ରାବିଡଙ୍କ ମୁଖ୍ୟ ପ୍ରଶିକ୍ଷକ କାର୍ଯ୍ୟାକାଳ ଶେଷ ହୋଇ ସାରିଥିବାରୁ ପରବର୍ତ୍ତୀ ମୁଖ୍ୟ ପ୍ରଶିକ୍ଷକ କିଏ ହେବ ତାହାକୁ ନେଇ ଚର୍ଚ୍ଚା ଲାଗି ରହିଥିଲା । ଏହାପରେ ଟିମ ଇଣ୍ଡିଆର ମୁଖ୍ୟ ପ୍ରଶିକ୍ଷକ ଗୌତମ ଗମ୍ଭୀର ହେବା ନେଇ ତାଙ୍କ ନାଁ ଚର୍ଚ୍ଚା ହେଉଥିଲା । ଭାରତୀୟ ଦଳରେ ଗୌତମ ଗମ୍ଭୀରଙ୍କ ଅନେକ ଅବଦାନ ରହିଛି । ୪୩ବର୍ଷ ବୟସ୍କ ଗୌତମ ଗମ୍ଭୀରଙ୍କର କୌଣସି ପ୍ରଶିକ୍ଷଣ ଅଭିଜ୍ଞତା ନାହିଁ । ହେଲେ ସେ ଏକାଧିକ ଆଇପିଏଲ୍ ଦଳର ମେଣ୍ଟର ବା ମାର୍ଗଦର୍ଶକ ଭାବେ କାମ କରିଛନ୍ତି । ମୁଖ୍ୟ ପ୍ରଶିକ୍ଷକ ପାଇଁ ଅନେକ ଆଶାୟୀ ଆବେଦନ କରିଥିଲେ । ହେଲେ ଗତ ମାସରେ ବିସିସିଆଇ କ୍ରିକେଟ୍ ପରାମର୍ଶଦାତା କମିଟି ଭାରତୀୟ ଦଳର ଦୁଇ ପୂର୍ବତନ ଓପନର ଗୌତମ ଗମ୍ଭୀର ଓ ଡବ୍ଲ୍ୟୁଭି.ରମଣଙ୍କ ସାକ୍ଷାତକାର ନେଇଥିଲା । ଏହାପରେ ଗମ୍ଭୀର ଏହି ପଦ ପାଇଁ ଆଗରେ ରହିଥିଲେ । ଗମ୍ଭୀର ୨୦୧୧ ବିଶ୍ୱକପ ଦଳର ସଦସ୍ୟ ରହିବା ସହ ଦମଦାର ପ୍ରଦର୍ଶନ ସହ ୯୭ରନର ଚମକ୍ରାର ଇନିଂସ ଖେଳିଥିଲେ । ଭାରତୀୟ ଦଳରେ ରହି ୫୮ଟି ଟେଷ୍ଟ ମ୍ୟାଚ ଖେଳି ୪ହଜାର ୧୫୪ ରନ କରିଛନ୍ତି । ଏହାସହିତ ୧୪୭ଟି ଦିନିକିଆ ମ୍ୟାଚ ଖେଳି ୫ହଜାର ୨୩୮ରନ ହାସଲ କରିଛନ୍ତି ଗମ୍ଭୀର । ସେହିପରି ୩୭ଟି ଟି-୨୦ ମ୍ୟାଚ ଖେଳି ୯୩୨ରନ ହାସଲ କରିଛନ୍ତି । ୨୦୦୭ ଟି-୨୦ ବିଶ୍ୱକପ ଫାଇନାଲରେ ପାକିସ୍ତାନ ବିପକ୍ଷରେ ସର୍ବାଧିକ ୭୫ରନ କରିଥିଲେ ଗମ୍ଭୀର ।
It is with immense pleasure that I welcome Mr @GautamGambhir as the new Head Coach of the Indian Cricket Team. Modern-day cricket has evolved rapidly, and Gautam has witnessed this changing landscape up close. Having endured the grind and excelled in various roles throughout his… pic.twitter.com/bvXyP47kqJ
— Jay Shah (@JayShah) July 9, 2024
Many thanks for your extremely kind words and constant support @JayShah bhai. Elated to be a part of this journey! The entire team together will strive for excellence and newer heights. https://t.co/BgAbTwN59u
— Gautam Gambhir (@GautamGambhir) July 9, 2024
