ନୂଆଦିଲ୍ଲୀ: ଦେଶରେ ସରକାରୀ ଓ ବେସରକାରୀ ସଂସ୍ଥାରେ ବୋମା ବିସ୍ଫୋରଣ ନେଇ ଧମକ ମିଳିବା ଭଳି ଘଟଣା ବଢିଚାଲିଛି। ଏଭଳି ସ୍ଥିତିରେ ମଙ୍ଗଳବାର ଦିନ ୪୧ଟି ବିମାନବନ୍ଦରରେ ବିସ୍ଫୋରଣ ହେବା ନେଇ ଧମକ ଦିଆଯାଇଛି। ଏକ ଇମେଲ ଯୋଗେ ଏଭଳି ଧମକ ଆସିଥିବା ଜଣାପଡିଛି। ଇମେଲ ପାଇବା ପରେ ପୁଲିସ ଆଲର୍ଟ ହୋଇଛି। ଅନେକ ବିମାନବନ୍ଦରରେ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି। ମିଳିଥିବା ସୂଚନା ଅନୁସାରେ ସୁରକ୍ଷା ଏଜେନ୍ସି ପକ୍ଷରୁ ଯାଞ୍ଚ କରାଯିବା ପରେ ଏହା ନକଲି ଧମକ ଥିବା କୁହାଯାଇଛି। ଜଣେ ଅଧିକାରୀ କହିଛନ୍ତି ଯେ ଇମେଲ ମଙ୍ଗଳବାର ଦିନ ୧୨ଟା ୪୦ ମିନିଟରେ ବିମାନବନ୍ଦରକୁ ଆସିଥିଲା। ଏହା ପରେ ସୁରକ୍ଷାକର୍ମୀଙ୍କୁ ଆଲର୍ଟ ରହିବାକୁ ନିର୍ଦ୍ଦେଶ ଦିଆଯାଇଥିଲା। ବିମାନବନ୍ଦରର ସମସ୍ତ ଅଂଚଳରେ ତନତନ କରି ଯାଞ୍ଚ ମଧ୍ୟ ହୋଇଥିଲା। ହେଲେ କେଉଁଠି ବି ବୋମା ନମଳିବା ପରେ ଏହା ନକଲି ଧମକ ବୋଲି ଅଧିକାରୀ କହିଛନ୍ତି। ନିର୍ଦ୍ଧାରିତ ସମୟରେ ସମସ୍ତ ବିମାନ ଚଳାଚଳ ହେଉଛି।
Comments are closed.