ସମ୍ବଲପୁର: ଅସହାୟ ଶବ ମାନଙ୍କୁ ସମ୍ମାନର ସହିତ ଅନ୍ତିମ ସଂସ୍କାର କରି ଆସୁଥିବା ସ୍ୱେଚ୍ଛାସେବୀ ଅନୁଷ୍ଠାନ ସମ୍ବଲ ପକ୍ଷରୁ ବିଗତ ୪ ଦିନ ମଧ୍ୟରେ ୩ଟି ଅଜଣା ଶବ ସଂସ୍କାର କରାଯାଇଛି। ଗତ ୨୯ ତାରିଖରେ ବୁର୍ଲା ମେଡିକାଲ ଫାଣ୍ଡି ଦ୍ୱାରା ପ୍ରଦତ୍ତ ଅଜଣା ଶବ, ୧ ତାରିଖରେ ରେଳବାଇ ପୁଲିସ ଦ୍ୱାରା ପ୍ରଦତ୍ତ ଅଜଣା ଶବ ଏବଂ ରବିବାର କ୍ଷେତରାଜପୁର ଥାନା ଦ୍ୱାରା ପ୍ରଦତ୍ତ ଅଜଣା ଶବ ସମ୍ବଲ ଅନୁଷ୍ଠାନ ପକ୍ଷରୁ ଅନ୍ତିମ ସଂସ୍କାର କରାଯାଇଛି। ସଂସ୍ଥା ମାନଙ୍କ ଦ୍ୱାରା ଲିଖିତ ଅନୁରୋଧ ପରେ ସମ୍ମାନର ସହିତ ଅନୁଷ୍ଠାନର କର୍ମକର୍ତ୍ତା ସୌରୀ ପାଣିଗ୍ରାହୀ, ଶମ୍ଭୁ ପଟେଲ, କାଳିଆ ବାଗ, ସତ୍ୟ ଓ ଦିନୁ ମହାନନ୍ଦ ପ୍ରମୁଖ ସମ୍ମାନର ସହିତ ସ୍ଥାନୀୟ ରାଜଘାଟ ଠାରେ ଅନ୍ତିମ ସଂସ୍କାର କରିଛନ୍ତି।
