ନନ୍ଦପୁର: କୋରାପୁଟ ଜିଲା ନନ୍ଦପୁର ବ୍ଲକ ଅନ୍ତର୍ଗତ ବିଲାପୁଟ ପଞ୍ଚାୟତର ଜବାଗଡ ଗ୍ରାମ ନଦୀଘାଟରେ ଗୁରୁବାର ଦେଶୀ ଡଙ୍ଗା ବୁଡ଼ି ଜଣେ ଯୁବକ ଜୋଲାପୁଟ ରିଜର୍ଭର ଜଳରାଶିରେ ନିଖୋଜ ହୋଇଥିବା ଖବର ମିଳିଛି। ବିଲାପୁଟ ସରପଞ୍ଚ ରାଜେଶ ଲେନ୍ଦ୍ରୁ ନଦୀଘାଟରେ ପହଞ୍ଚି ଲୋକଙ୍କ ସହ ଆଲୋଚନା କରିବା ପରେ ନିଖୋଜ ଯୁବକ ଜଣକ ଜବାଗଡ଼ ଗ୍ରାମର ସୁକୁ ପ୍ରଧାନୀ(୩୫) ବୋଲି ଜଣାପଡ଼ିଛି। ସେ ଗୋଟିଏ ଦେଶୀ ଡଙ୍ଗା ଯୋଗେ ରିଜର୍ଭର ଆରପଟେ ଥିବା କାଜୁବାଡକୁ ଯାଉଥିବା ବେଳେ ଡଙ୍ଗାଟି ଓଲଟି ପଡିଥିବାରୁ ଏଭଳି ଅଘଟଣ ଘଟିଛି। ସୂଚନା ପାଇ ନନ୍ଦପୁର ଅଗ୍ନିଶମ ବାହିନୀ ଘଟଣା ସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛନ୍ତି। ମାଛକୁଣ୍ଡ ପୁଲିସ ମଧ୍ୟ ଘଟଣା ସ୍ଥଳରେ ଉପସ୍ଥିତ ରହି ଉଦ୍ଧାର କାର୍ଯ୍ୟ ଉପରେ ନଜର ରଖିଛି।
Comments are closed.