ୱାଶିଂଟନ : ଦେଶ ବିଦେଶରେ ଭାରତୀୟ କ୍ରିକେଟର ମହେନ୍ଦ୍ର ସିଂହ ଧୋନିଙ୍କ ସଂଖ୍ୟାଧିକ ପ୍ରଶଂସକ ରହିଛନ୍ତି। ଦେଶ କିମ୍ବା ବିଦେଶରେ କ୍ରିକେଟ ଖେଳୁଥିବାବେଳେ ଧୋନିଙ୍କ ଦର୍ଶନ ପାଇବାକୁ ପ୍ରଶଂସକମାନେ ବ୍ୟାକୁଳ ହୋଇପଡିଥାନ୍ତି। ତାଙ୍କର ଅଟୋଗ୍ରାଫ୍ ପାଇବାକୁ ହେଉ କିମ୍ବା ଧୋନିଙ୍କ ସହ ସେଲ୍ଫି ଉଠାଇବାକୁ ପ୍ରଶଂସକଙ୍କ ମଧ୍ୟରେ ଏକପ୍ରକାର ପ୍ରତିଦ୍ବନ୍ଦ୍ବିତା ଦେଖିବାକୁ ମିଳିଥାଏ। ନିକଟରେ ଆମେରିକାର ଲସ୍ ଏଞ୍ଜେଲ୍ସ ସହରରେ ବାସ କରୁଥିବା ଜଣେ ପ୍ରଶଂସକ ନିଜ କାର ନମ୍ବରପ୍ଲେଟ୍ରେ ଧୋନିଙ୍କ ନାମକୁ ସ୍ଥାନିତ କରି ଚର୍ଚ୍ଚାକୁ ଆସିଛନ୍ତି। ସଂପୃକ୍ତ ପ୍ରଶଂସକଙ୍କ ଏତାଦୃଶ କାର୍ଯ୍ୟକୁ ଚେନ୍ନଇ ସୁପର କିଙ୍ଗ୍ସ (ସିଏସ୍କେ) ପକ୍ଷରୁ ପ୍ରଶଂସା କରାଯାଇଛି। ସୂଚନାଯୋଗ୍ୟ ଧୋନିଙ୍କ ନେତୃତ୍ବରେ ସିଏସ୍କେ ୨ ଥର ଆଇପିଏଲ ଓ ଦୁଇଥର ଚମ୍ପିଆନ୍ସ ଲିଗ୍ ଟାଇଟଲ ହାସଲ କରିସାରିଛି।
