କଲମପୁର : ଥୁଆମୁଲ ରାମପୁର ସ୍ଥିତ ମାଁ ମାଣିକେଶ୍ୱରୀ ପଞ୍ଚାୟତ ସମିତି ଉଚ୍ଚ ମାଧ୍ୟମିକ ବିଦ୍ୟାଳୟର ଖେଳ ପଡିଆରେ ଗତ ତିନି ଦିନ ଧରି ଚାଲିଥିବା ବିଦ୍ୟାଳୟର ୨୦ ତମ ବାର୍ଷିକ କ୍ରୀଡା ଉତ୍ସବ ଉଦ୍ଯାପିତ ହେଇଯାଇଛି। ଗତ ଗୁରୁବାର ଦିନ ମାଁ ମାଣିକେଶ୍ୱରୀଙ୍କ ପୀଠରୁ କ୍ରୀଡା ମଶାଲ ଗ୍ରହଣ କରି ଛାତ୍ର ଛାତ୍ରୀ ମାନେ ଏକ ଶୋଭାଯାତ୍ରାରେ ସହର ପରିକ୍ରମା କରିବା ସହ ବିଦ୍ୟାଳୟର ଖେଳପଡିଆକୁ ଆସିଥିଲେ। ସେଠାରେ ଅଗ୍ନିଶମ ଅଧିକାରୀ ବନମାଳି ପୁଝାରୀ ବିଦ୍ୟାଳୟର ଅଧ୍ୟକ୍ଷ ସତ୍ୟ ନାରାୟଣ ମୁଣ୍ଡଛିନାଙ୍କ ଠାରୁ ମଶାଲ ଗ୍ରହଣ କରି ସ୍ଥାପନ କରିବା ସହ ଅନୁଷ୍ଠାନର କ୍ରୀଡାପତାକା ଉତ୍ତୋଳନ କରି କ୍ରୀଡା ଉତ୍ସବକୁ ଆନୁଷ୍ଠାନିକ ଭାବେ ଉଦ୍ଘାଟନ କରିଥିଲେ। ଉଭୟ ବାଳକ ଓ ବାଳିକା ବର୍ଗରେ ୧୦ ଗୋଟି କ୍ରୀଡା ପ୍ରତିଯୋଗିତାର ଆୟୋଜନ କରାଯାଇଥିଲା। ଶାରିରୀକ ଶିକ୍ଷା ଶିକ୍ଷକ ବନ ବିହାରୀ ପରିଡାଙ୍କ ପ୍ରତ୍ୟକ୍ଷ ତତ୍ୱାବଧାନରେ ଆୟୋଜିତ କ୍ରୀଡା ଉତ୍ସବକୁ ପ୍ରଶାନ୍ତ ମୁଣ୍ଡଛିନା, ସତ୍ୟ ନାରାୟଣ ଦାସ ପ୍ରମୁଖ ପରିଚାଳନାରେ ସକ୍ରିୟ ସହଯୋଗ କରିଥିଲେ। ଚଳିତ ବର୍ଷର ଶ୍ରେଷ୍ଠ କ୍ରୀଡା ପ୍ରଦର୍ଶନ ପାଇଁ ବାଳିକା ବର୍ଗରୁ କୁନୀ ମାଝୀ ପୂରସ୍କୃତ ହେଇଥିବା ବେଳେ ବାଳକ ବର୍ଗରୁ ମହେଶ କୁମାର ଧଙ୍ଗଡା ମାଝୀ ପୂରସ୍କୃତ ହେଇଥିଲେ। କ୍ରୀଡା ଶିକ୍ଷକ ବିଦ୍ୟାଳୟର ବାର୍ଷିକ କ୍ରୀଡା ବିବରଣୀ ପାଠ କରିବା ସହ ଅତିଥି ପରିଚୟ ପ୍ରଦାନ କରିଥିଲେ। ଅଧ୍ୟାପକ ବବୃ ବାହାନ ବୁଦ୍ଧିଆ ମଞ୍ଚ ପରିଚାଳନା କରିଥିବା ବେଳେ ଅଧ୍ୟାପକ ସରୋଜ କୁମାର ପାଟ୍ଟଯୋଷୀ ଧନ୍ୟବାଦ ଅର୍ପଣ କରିଥିଲେ।
Popular Categories
Previous article
Next article