ରେଙ୍ଗାଲିକ୍ୟାମ୍ପ: ଆମ ଆଦମୀ ପାର୍ଟି ରାଜ୍ୟର ପ୍ରମୁଖ ୩୭ ଗୋଟି ବିଧାନସଭା ଆସନ ପାଇଁ ପ୍ରାର୍ଥୀ ଘୋଷଣା କରିଛି । ଦଳ ପକ୍ଷରୁ ବରଗଡ଼ ଜିଲା ଅତାବିରା ନିର୍ବାଚନ ମଣ୍ଡଳୀ ପାଇଁ ଯୁବ ଚେହେରା ଭାବେ ଅତାବିରା ବ୍ଲକ୍ ବାସିନ୍ଦା ଜୟକୃଷ୍ଣ ଛୁରିଆଙ୍କ ନାମ ଘୋଷଣା ପରେ କର୍ମୀ ମହଲରେ ଉତ୍ସାହର ବାତାବରଣ ଖେଳିଯାଇଛି । ପ୍ରଥମ ଥର ପାଇଁ ଅତାବିରା ନିର୍ବାଚନ ମଣ୍ଡଳୀରେ ନିର୍ବାଚନ ଲଢ଼ିବ ଆପ୍ । ବିଭିନ୍ନ ଅଂଚଳରୁ ତାଙ୍କ ନିକଟକୁ ଶୁଭେଚ୍ଛାର ବାର୍ତ୍ତା ଆସି ପହଞ୍ଚିଛି । ଶୁକ୍ରବାର ସିଲେଟ ପଞ୍ଚାୟତର ବିଭିନ୍ନ ଗ୍ରାମର ଜନସାଧାରଣଙ୍କ ପାଖକୁ ପହଞ୍ଚି ଭୋଟ୍ ମାଗିବା ଆରମ୍ଭ କରିଦେଇଛନ୍ତି ଜୟକୃଷ୍ଣ । ତାଙ୍କର ଏହି ପଦଯାତ୍ରା ଯୁବ ପୀଢ଼ିଙ୍କୁ ବେଶ୍ ପ୍ରଭାବିତ କରିବା ସହ ଅନ୍ୟ ରାଜନୈତିକ ଦଳ ଉପରେ କିଛିଟା ପ୍ରଭାବ ପକାଇଥିବା ଜଣାପଡିଛି । ବିଜୁଳି ବିଲ୍ ଛାଡ ଓ ଚାଷୀଙ୍କ ଋଣ ଛାଡ ପାଇଁ ଅଣ୍ଟା ଭିଡ଼ିଛି ଦଳ ।
Comments are closed.